Të gjithëve na ndodh që të kemi dhimbje dhe fryrje barku pasi kemi ngrënë shumë. Përveç këtyre i kemi shtuar trupit disa kile të tjera, por ndërkohë që sezoni i verës është duke ardhur, duhet të kujdesemi për të patur një trup sa më në formë.
Çfarë të bëni? Ajo që është bërë, është bërë tashmë, e vetmja gjë të cilën ju keni në dorë është që të hani në mënyrë të ekuilibruar për të shmangur kilet e tepërta, barkun e fryrë dhe për të patur një trup që të gjithë dëshirojmë, si dhe të konsumoni pije që rrisin nivelin e energjisë.
Nurticionistet Jessica Levinson dhe Gina Hassick rekomandojnë tetë ushqime për një shëndet të mirë:
Kos + Boronicë
Edhe pse nuk mund të keni oreks, ju duhet të hani mëngjesin, pasi është çelësi për rregullimin e metabolizmit tuaj. Sipas Hassick në krye qëndron kosi grek me manaferra, i cili përmban baktere të dobishme që ju ndihmojnë të mbani në rregull dhe të zvogëloni inflamimin e zorrëve të shkaktuara nga ushqimet me sheqer dhe alkool.
Çaj jeshil
Nëse keni nevojë për një nxitje të energjisë në mëngjes, pini një çaj jeshil. Kjo është e pasur me antioksidantë, të cilat mund të ndihmojnë në parandalimin e dëmtimit të qelizave të shkaktuara nga shumë ushqime. Ka disa studime që tregojnë se çaji jeshil ndihmon në stabilizimin e niveleve të sheqerit në gjak, gjë që është e rëndësishme nëse e keni tejkaluar me ëmbëlsira dhe alkool.
Uji
Përveç pijeve me kafeinë, ju gjithashtu duhet të pini ujë të thjeshtë gjatë gjithë ditës. Hidratimi është kyç, sidomos pas një nate që e tepruar me konsumin. Uji do të ndihmojë në shpëlarjen e toksinave, tretjen dhe luftimin e fryrjes.
Vezë dhe omletë vegane
Vezët me proteina të larta përmbajnë cisteinë e aminoacideve, e cila ndan toksinën nga alkooli (acetaldehidi), duke lejuar që ajo të eliminohet përmes urinës, ndërsa omëleta vegane e pasur me fibra si spinaqi dhe domate ju ndihmojnë të mbani ritmin e tretjes. Shmangni djathin dhe proshutën, megjithëse ushqimet me yndyrë të ngadalshme e ngadalësojnë kalimin e ushqimit në zorrë, gjë që mund të çojë në më shumë gulçim, gazra dhe ngërç.
Xhinxher ose Çaj mente
Nëse ndiheni shumë të fryrë ose të ngathët ose jeni duke përjetuar dispepsi, çaji i xhixherit ose mente është zgjidhja më e mirë e lëngshme. Këto dy përbërës qetësues konsiderohen antispasmodic, që do të thotë se ata ju ndihmojnë të relaksoni muskujt, ndihmon tretjen e ushqimit dhe lejojnë gazin të kalojë më lehtë, duke parandaluar dhimbjet e mprehta dhe therëse. Bonus: Ata nuk kanë kafeinë, kështu llogaritini në vend të ujit.
Banane
Nëse me të vërtetë e keni tejkaluar me alkool, dehidrimi ju ka shkaktuar humbjen e mineraleve si kaliumi, e cila gjendet në banane, ujë kokosit dhe patate (shumë nga këto ushqime ulin presionin e gjakut) kështu që ju do të dëshironi të rivendosni ato. Marrja e kaliumit do të ndihmojë kundër efekteve, si fryrja, të shkaktuara nga marrja e shumë natriumi përmes ushqimeve të kripura.
Bollgur
Nëse ndjeheni të lodhur pas ngrënies së një ushqimi jo të shëndetshëm, atëherë zgjidhja më e mirë do të ishte bollgur me feta dardhe sesa vezë ose kos. Ky kombinim është i mbushur me fibra të shëndetshme dhe të dyja, bollgur dhe dardha janë tepër të lehta për stomakun.
Ujë me fruta
Mendoni pjepër, grejpfrut, portokall, pjeshkë dhe mjedër. Nëse vetëm uji është i vështirë për stomakun, këto fruta do t’ju ndihmojnë të hidratoni dhe të rivendosni vitaminat dhe mineralet që mund t’ju ndihmojnë të dilni nga gjendja në të cilën jeni. Ai gjithashtu është i mbushur me fibra që ndihmojnë tretjen.
Përgatiti: Brikela Daci / Burimi / www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
