Duket se shumë njerëz kanë filluar të mbajnë një shishe ujë me vete kudo që shkojnë dhe kjo është një mënyrë e mirë për të qëndruar të hidratuar. Uji ndihmon të transportojmë lëndët ushqyese të trupit, të krijojmë pështymë, të ruajmë temperaturën e trupit dhe shumë më shumë se kaq.
Sidoqoftë, pirja e tepërt (më shumë se një litër në orë) në fakt mund të krijojë probleme shëndetësore, shkruan “Bright Side”. Ja efektet negative që mund të ketë ai:
- Barku mund të fryhet.
Një nga problemet më të zakonshme të stomakut që njerëzit përjetojnë, veçanërisht gratë, është fryrja e barkut. Pirja e tepërt e ujit mund t’ju bëjë të ndiheni sikur keni ngrënë një vakt të tërë. Plus, nëse e pini ujin shpejt, ka shumë të ngjarë të gëlltisni ajër dhe kjo mund t’ju japë ndjenjën e ngopjes. Për fat të mirë ky është vetëm një problem i përkohshëm.
- Duart dhe këmbët mund të fryhen.
Kur pini një sasi të madhe uji, ai së bashku me ushqimin e kripur mund të shkaktojë edemën (një gjendje që prek trurin). Kjo ndodh kur nivelet e natriumit në trupin tonë janë shumë të larta dhe uji i pijshëm mund të shkaktojë ënjtje. E njëjta gjë mund të ndodhë edhe me duart. Në fazat e mëvonshme, edema gjithashtu mund të shkaktojë një mosfunksionim në sistemin nervor qendror.
- Mund t’ju përzihet.
Kur konsumojmë shumë ujë, qelizat në trurin tonë mund të fillojnë të fryhen. Kjo rrit presionin mbi kafkën e kokës. 2 nga simptomat që mund të shfaqen në në këtë rast janë përzierja dhe të vjellat.
- Mund ta teproni me hidratimin.
Një nga shenjat më të zakonshme që mund të përjetoni nëse konsumoni më shumë ujë seç keni nevojë, është dhimbje koke. Gjithashtu, mund të ndiheni të hutuar dhe të çorientuar. Disa simptoma më serioze mund të jenë shikimi i dyfishtë, vështirësi në frymëmarrje, rritje e presionit të gjakut dhe përgjumje.
- Ju krijohen ngërçe në muskuj.
Që muskujt dhe rrahjet e zemrës të funksionojnë normalisht na duhen elektrolite. Uji i tepërt ul numrin e elektroliteve në trupin tonë. Kur këto nivele janë të ulëta, mund të përjetojmë ngërçe të muskujve.
Burimi / PanoramaOnline
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
