Nëse ju ngulet iriqi i detit në këmbë duhet të ndërmerrni këto masa:
Nga Diola Dosti-Baftiu, Nutricioniste, dietologe dhe biologe
– Largoni sa më shpejt gjembat e tij me piskatore ose gjilperë dhe alkool. Kujdes mos i këputni. Lyejeni me pak vaj ulliri, shtrydhini si puçrra dhe hiqini me piskatore.
– Gjembat e futur thellë largohen me dyll qiriu. Ndizni një qiri dhe hidhni dyllin e qiriut sipër vendit të prekur. Lëreni të thahet për pak min dhe largojeni. Ose me dyll depilimi. Nese nuk jeni të sigurtë se i keni hequr të gjitha, duhet të drejtoheni tek mjeku.
– Pas largimit të tyre shpërlajini me ujë dhe sapun ose ujë e kripë ose ujë e peroksid hidrogjeni. Uji duhet të jetë i nxehtë. Sa më shumë qe ta duroni aq më mirë. Nga 20 deri ne 40 minuta.
– Mos e mbuloni zonën me fllaster ose leukoplast.
– Natën kur të flini vishni një çorape më të madhe se masa juaj e këmbës së lagur me uthull molle që të mos infektohet.
– Me rekomandim të mjekut merrni ibuprofen çdo 4 deri 8 orë për menaxhimin e dhimbjes.
– Nëse skuqja nuk largohet brenda 2 ose 3 ditësh duhet të shkoni tek mjeku. Mos e lini pa trajtuar mirë nëse vëreni probleme me frymëmarrjen tuaj pasi kjo mund të jetë një shenjë e përhapjes së infeksionit në trup.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
