Mozaikë, tapetë, mbajtëse qirinjsh… Por edhe slitë dhe varëse rrobash. Me gurët nga deti, riciklimi krijues nuk ka kufi.
Në verë (dhe jo vetëm), jemi të rrethuar prej tyre. Dhe lind pyetja: çfarë të krijoni me gurët e detit? Dekorimi i shtëpisë me objekte të ricikluara është jo vetëm një ide ekonomike, por edhe shumë magjepsëse, sepse ju lejon të keni rreth vetes pjesë unike që askush tjetër nuk i ka. Gurët e detit janë ndër objektet që mund të rikuperohen më lehtë, sidomos nëse jeni mësuar të shkoni në plazh, si në muajt e verës ashtu edhe në ato të dimrit.
Gurët e detit kanë forma dhe ngjyra të veçanta, lëmohen nga uji dhe era dhe rezervojnë surpriza të këndshme. Sigurisht, është mirë t’i pastroni para se t’i punoni, ndoshta me ujë të ngrohtë dhe sapun neutral. Më pas mund t’i përdorni ato natyrale ose të zgjidhni t’i lyeni me ngjyra më të gjalla, gjithmonë pasi të keni dhënë, nëse është e nevojshme, një shtresë të bardhë për bazën.
Me gurë mund të krijoni toteme, mozaikë (nëse gurët janë të vegjël); ju mund t’i ngjitni ato së bashku për të krijuar forma kafshësh, rrugica dere, zbukurime. Ata që dinë të përdorin një shpuese mund t’i shpojnë ato dhe t’i bëjnë dorezat e dyerve ose t’i gdhendin për të krijuar zemra, gjethe ose varëse për t’i bërë dhurata. Me pak fjalë, me gurët e detit mund të bëni gjithçka, ju duhet vetëm pak imagjinatë.
Me gurët e detit ju mund të bëni llambadarë, skulptura, bizhuteri, piktura dhe shumë krijime që do t’i vleni shumë ambientit tuaj në shtëpi, zyrë, restorant apo bare por edhe me gjerë se kaq.
Si ngjiten gurët e detit?
Për të krijuar kompozime artistike, është e nevojshme të keni ngjitës të nxehtë ose ngjitës me bazë silikoni. E rëndësishme është që këto ngjitëse të jenë transparente, që të mos dëmtohet puna. Ngjitësi me bazë silikoni është i shkëlqyeshëm, veçanërisht nëse gurët duhet të ngjiten në dru. Gurët, përpara se të fiksohen në ndonjë mbështetëse, duhet të pastrohen me një leckë të lagur me ujë dhe alkool. Në fund, pas pastrimit, duhet të vendosni se ku do t’i ngjisni dhe mundësisht të bëni një shenjë lapsi në sipërfaqe që vepron si mbështetje.
Cilat ngjyra përdoren për të lyer gurët e detit?
Ngjyrat që përdoren më së shumti për këto krijime të vogla janë akriliku apo bojëra uji. Ngjyrat akrilike kanë rendiment më të mirë dhe janë shumë rezistente me kalimin e kohës, për më tepër nuk plasariten. Bojërat e ujit rekomandohen më shumë për fëmijët, sepse ato janë me bazë uji dhe përbëhen nga pigmente të kombinuara me substanca si veza, ngjitësit e kafshëve, kazeina, mishrat bimore. Ngjyra akrilike duhet të mbyllet mirë, përndryshe thahet shumë shpejt, ndryshe nga sa ndodh me tempera.
Si t’i lustrojmë gurët?
Gurët e detit duhet të pastrohen me ujë dhe sapun neutral, duke i pastruar me furçë. Kur guri është i pastër, mund të lëmohet duke kaluar mbi të letër zmerile me dy grimca. Në këtë mënyrë, guri mund të modelohet dhe të eliminohen të gjitha papërsosmëritë. Letra zmerile zbut gurin, por, natyrisht, lë gërvishtje të dukshme. Prandaj, pas lëmimit, guri duhet të pluhuroset dhe mbi të kalohet një copë lëkure e butë, mbi të cilën është derdhur një produkt lustrues transparent. Në këtë mënyrë guri do të jetë me shkëlqim dhe i ndritshëm.
Burimi Nonsprecare / Revista Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
