Vala e dytë e koronavirusit ka një fillim preciz, në ditët e para të tetorit. Që nga ai moment kurba e infektimit ka përjetuar një rritje në të gjithë Evropën, e cila shumë shpejt bëri që shumica e vendeve të përballen me një urgjencë të re shëndetësore. Epidemiologu Martin Blachier, themelues i Ekspertizës së Shëndetit Publik, është i bindur për këtë dhe hipotezon ardhjen e të ftohtit si një shkak i mundshëm i intensifikimit të infeksioneve: “Virusi shpërtheu papritmas, ne nuk e kuptojmë se si ndodhi – thotë ai në një intervistë – Hipoteza jonë është se ardhja e të ftohtit është një faktor vendimtar në rritjen e infeksioneve”.
Duke u kthyer disa javë pas, kujtojmë që fillimi i tetorit ishte mjaft shqetësues, me shira, stuhi dhe përmbytje, të cilat shkaktuan një rënie drastike të temperaturave. Në këto kushte, thotë eksperti, virusi ka gjetur edhe një herë tokë pjellore për t’u përhapur. “Duke filluar nga 4 tetori – shpjegon ai – vërejmë një kërcim të virusit edhe në zonat ku kurba po binte falë kufizimeve. Infeksionet shumohen me 5 krahasuar me dy javë më parë. Ne shohim të njëjtin fenomen në të gjitha vendet e BE-së”.
Blachier argumenton se ky ndryshim i trendit ndodhi së bashku me rënien e temperaturave. Një aspekt që i bëri ekspertët të spekulojnë se ekziston një lidhje midis kthimit të virusit dhe mbërritjes së stinëve më të ftohta. “Kurba e epidemisë rritet në një mënyrë të kundërt dhe simetrike krahasuar me atë të uljes së temperaturave”. Kështu që ekipi i tij nxori një përfundim që epidemiologu e paraqet si të sigurt: “Kishte një debat shkencor nëse ishte apo jo një virus sezonal, tani nuk ka më dyshime”.
Elementët që çuan në këtë drejtim, thotë eksperti, ishin aty, edhe nëse nuk ishin të mjaftueshme për të nxjerrë konkluzione: “Ne tashmë kishim shenja që virusi ishte më i fortë në mjedise të ftohta – shpjegon ai – këtu mund të kujtojmë rastin e thertoreve. Në vjeshtë, jeta shoqërore mbyllet brenda. Për më tepër, sistemi imunitar dobësohet. Një dimër shumë i vështirë na pret. Sot pa një izolim total do të kemi një kurbë që do vazhdojë të rritet deri në shkurt, me më shumë vdekje se vala e parë, edhe nëse vdekshmëria është ulur”.
E vetmja zgjidhje e vlefshme për të ndaluar një përhapje kaq masive, përfundon epidemiologu është ajo e një izolimi të ri të përgjithshëm: “është një iluzion të mendosh për të kontrolluar epideminë me kufizime të tilla si mbyllja e bareve dhe restoranteve ose një shtetrrethimi. Zgjidhja e vetme është se si të bllokohet, tek kush të përqendrohen përpjekjet. Ne duhet të kemi guximin të marrim vendime të vështira, t’i izolojmë njerëzit e moshës nga 60 deri në 80 vjeç. Por pak qeveri duan ta bëjnë këtë”. I vetmi vend i paprekshëm, përfundon ai, janë shkollat: “Unë mendoj se ato nuk kanë një ndikim të rëndësishëm në epidemi”.
Burimi / https://www.ilfattoquotidiano.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
