Ne kemi mësuar vlerën e parandalimit. Me Covid-19 ne kemi kuptuar se kemi masa paraprake, të mbajmë distanca, të përdorim mjete mbrojtëse individuale, veçanërisht në rastet e vendeve të mbyllura ose të mbushura me njerëz dhe të dezinfektojmë duart, sipërfaqet dhe mjediset.
Sot, sipas një sondazhi të kryer nga Human Highway for Assosalute, shoqata kombëtare e vetë-mjekimit, më shumë se katër nga pesë italianë fokusohen tek parandalimi. Por çfarë të bëni kur Sars-CoV-2 dhe viruset tradicionale të gripit mund të qarkullojnë së bashku?
“Me avancimin e fushatës së vaksinimit dhe lehtësimin e kufizimeve, virusi i gripit do të ketë një shans më të madh për të qarkulluar – thotë Fabrizio Pregliasco, Hulumtues i Departamentit të Shkencave Biomjekësore për Shëndetin të Universitetit të Milanos dhe Drejtori Mjekësor IRCCS Instituti Ortopedik Galeazzi.
Për këtë arsye, pritet një rritje e rasteve edhe nëse masat parandaluese dhe sjelljet e miratuara për të kufizuar përhapjen e Sars-CoV-2 do të vazhdojnë të kenë një rol të rëndësishëm në përhapjen e gripit. Me pak fjalë: ne duhet të përqendrohemi tek vaksina.
“Vaksinimi i gripit do të mbetet themelor si një formë mbrojtjeje për veten dhe subjektet më të dobëta, madje në një situatë të bashkëjetesës me Covid-19, mbetet veçanërisht i dobishëm”, thotë eksperti.
“Kjo – raporton Claudio Cricelli, President i Shoqërisë Italiane të Mjekësisë së Përgjithshme dhe Kujdesit Parësor- veçanërisht nëse marrim parasysh incidencën aktuale të variantit Delta dhe simptomatologjinë e tij të shfaqjes e cila është më pak e lidhur me dispnea të traktit të poshtëm të frymëmarrjes, por prek kryesisht rrugët e sipërme të frymëmarrjes duke i bërë dy sëmundjet virale të frymëmarrjes në disa raste të mbivendosura”.
Si të merreni me simptomat
Kur shfaqen simptomat e para të gripit, Cricelli këshillon që ta raportoni rastin tek doktori juaj, i cili do të japë indikacione dhe këshilla.
“Rekomandohet gjithashtu të shmangni udhëtimet, ose më mirë të qëndroni në shtëpi, ndoshta duke u izoluar, për të kufizuar sa më shumë që të jetë e mundur kontaktet me njerëzit e tjerë”.
Nëse keni simptoma që i atribuohen si Covid-19 ashtu edhe gripit sezonal, duhen përdorur tamponët që bëjnë të mundur diagnostikimin në kohë reale. Këto janë tamponë me reagent të dyfishtë (një për antigjenik Covid dhe një për viruset e gripit)”.
Pasi të jetë konstatuar shkaku i sëmundjeve, në rast gripi, sipas Pregliasco, “mund të mbështeteni në vetë-mjekim”. Në veçanti, në rast ethesh, “mbështetuni në ilaçe pa recetë me veprim antipiretik; në rast të disa simptomave në të njëjtën kohë, te barnat që përmbajnë disa përbërës aktivë të cilët rregullohen sipas intensitetit të simptomave”- kujton ai.
“Qëllimi duhet të mbetet gjithmonë zbutja e simptomave të gripit dhe për t’i mbajtur ato nën kontroll, në mënyrë që të jemi në gjendje të vlerësojmë shtrirjen e tyre duke monitoruar evolucionin e sëmundjes”.
Sipas sondazhit, kur shfaqen simptomat e gripit, 42.9% e italianëve besojnë se gjëja më e mençur është të pushojnë, të marrin ilaçe pa recetë dhe të kontaktojnë mjekun vetëm nëse pas 3 ditësh nuk ka përmirësim. Një qëndrim i përhapur veçanërisht në mesin e popullatës femërore: 46.6% e grave deklarojnë se marrin vetë-mjekim vetëm nëse situata nuk përmirësohet pas disa ditësh, ndryshe nga burrat që kanë tendencë të adoptojnë sjellje sipas mendimit të tyre më vendimtar, por jo gjithmonë të sakta, si p.sh. duke iu drejtuar antibiotikut.
Për më tepër, të rinjtë nën 24 vjeç janë më pak të nxituar, duke deklaruar se janë të alarmuar kur shfaqen më shumë simptoma duke përfshirë lodhjen, dhimbjen e kockave, ftohjet, dhimbjet e kokës dhe ethet.
Burimi / https://dilei.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
