Infeksioni i ri koronavirus, i quajtur COVID-19, është shfaqur në skenën botërore disa muaj më parë dhe ka ende disa të panjohura në lidhje me aftësinë e transmetimit të virusit dhe kategoritë e njerëzve më të rrezikuar.
Sipas të dhënave epidemiologjike të mbledhura deri më tani në Itali, ne dimë se rreth 80% e personave të infektuar janë asimptomatikë ose zhvillojnë simptoma të gripit që nuk kërkojnë kujdes të veçantë. Në 20% të rasteve, sëmundja manifestohet më agresivisht, duke shkaktuar vështirësi në frymëmarrje që ndonjëherë mund të kërkojnë edhe shtrimin në spital në kujdesin intensiv.
Të dhënat gjithashtu na tregojnë se njerëzit me rrezik më të lartë për të patur forma të rënda të sëmundjes janë:
- të moshuarit
- njerëzit me sëmundje (të tilla si presioni i lartë i gjakut, problemet e zemrës ose diabeti);
- personat imunosupresivë.
Cilat janë sugjerimet për pacientët me kancer? Çfarë lloj rreziqesh kanë ata dhe cilat janë masat paraprake që duhen marrë?, – shprehet Stefano Cascinu, drejtor i Njësisë Operative të Onkologjisë Mjekësore të Spitalit IRCCS San Raffaele në Milano.
A janë më të rrezikuar nga COVID-19, pacientët me kancer?
“Statistikisht, pacientët me kancer kanë qenë gjithmonë një kategori më e rrezikuar nga infeksionet virale dhe bakteriale dhe ndërlikimet e tyre të mundshme – shpjegon profesori Cascinu. Ne nuk kemi asnjë arsye të besojmë se është ndryshe në rastin e infeksionit të ri Covid-19. Për këtë arsye, pacientët me kancer duhet të jenë veçanërisht të kujdesshëm”.
Përtej të dhënave mesatare, ndjeshmëria ndaj infeksioneve ndryshon nga rasti në rast dhe varet nga:
- lloji i kancerit
- faza e përparimit
- terapitë në vazhdim.
Për këtë arsye, këshilla thelbësore mbetet të dëgjoni udhëzimet e mjekut tuaj dhe të ndiqen rregullat e sjelljes që duhet të zbatohen nga të gjithë për të zvogëluar rrezikun e infektimit.
A e rrisin terapitë e kancerit rrezikun e infeksionit?
Për momentin nuk ka të dhëna shkencore të besueshme në lidhje me ndikimin e terapive onkologjike mbi rrezikun e kontraktimit të infeksionit të ri të koronavirusit, as mbi rrezikun e zhvillimit të komplikimeve të mëdha.
Sidoqoftë, në mënyrë të ngjashme me atë që ndodh me infeksione të tjera virale, është e arsyeshme të besohet se kimioterapia, duke qenë imunosupresive, rrit rrezikun e kontraktimit të virusit dhe zhvillimit të formave më të rënda të sëmundjes. Nga ana tjetër, nuk ka asnjë arsye për të besuar se radioterapia ose imunoterapia përbëjnë elemente të një rreziku të veçantë, sepse ato nuk veprojnë në një mënyrë imunosupresive dhe prandaj nuk e vendosin mbrojtjen e trupit tonë në vështirësi.
Si duhet të sillen pacientët me kancer?
“Gjëja e parë për të thënë është se në përgjithësi, pacientët me kancer nuk duhet të shmangin terapitë nga frika e kontraktimit të COVID-19. Kujdesi i vetëm është të njoftoni mjekun tuaj, përmes telefonit, për simptomat që i atribuohen infeksionit koronavirus. Vetëm mjeku trajtues do të vendosë kur dhe nëse do ta shtyjë përkohësisht trajtimin”, sqaron profesori.
Ndërsa është e mundur që pacientët e rikuperuar të shtyjnë disa vizita ambulatore, pjesë e kontrolleve vijuese periodike, të paktën në momentin më kritik të epidemisë me qëllim mbrojtjen e shëndetit. Në mungesë të simptomave të gripit, gjëja më e mirë është të vazhdoni protokollin tuaj të trajtimit dhe të zbatoni masat e vendosura nga Ministria e Shëndetësisë për të gjithë qytetarët për të shmangur përhapjen e infeksionit.
Masat mbrojtëse për të shmangur ngjitjen
Ndër sjelljet e rekomanduara nga Ministria e Shëndetësisë, të cilat duhet të ndiqen edhe nga personat që kujdesen për të sëmurët, janë:
- lani duart shpesh, për të paktën 20 sekonda
- shmangni shtrëngimin e duarve
- qëndro të paktën një metër larg nga të tjerët
- shmangni prekjen e fytyrës, veçanërisht para se të lani duart
- pastroni mirë sipërfaqet
- shmangni kontaktin me njerëzit e tjerë nëse shfaqen simptoma të ngjashme me gripin
- lëvizni sa më pak të jetë e mundur dhe vetëm për arsye urgjente.
Burimi / https://www.hsr.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
