Përdorimi i vaksinave Covid-19 të zhvilluara duke përdorur linjat qelizore që rrjedhin nga fetuset e abortuara është “moralisht i pranueshëm”, njoftoi të hënën Kisha Katolike. Në mungesë të ndonjë alternative, vaksinat e tilla “mund të përdoren me ndërgjegje të pastër”, tha Vatikani.
Disa aludime thonë se vaksinat u zhvilluan duke përdorur qelizat që rrjedhin nga fetuset e abortuar dekada më parë. Sidoqoftë, asnjë qelizë fetale nuk është e pranishme në asnjë prej vaksinave.
“Të gjitha vaksinat e njohura si klinikisht të sigurta dhe të efektshme mund të përdoren me ndërgjegje të pastër me dijeninë e sigurt se përdorimi i vaksinave të tilla nuk përbën bashkëpunim zyrtar me abortin nga i cili rrjedhin qelizat e përdorura në prodhimin e vaksinave”, njoftoi në një deklaratë, Vatican’s Congregation for the Doctrine of the Faith.
Në tekstin, i cili u miratua nga Papa Françesku, gjithashtu thuhej se kishte “një domosdoshmëri morale” për të siguruar që vendet e varfëra të merrnin akses në vaksinat efektive. Çështja e pranimit të një vaksine kundër koronavirusit ka ndarë disa anëtarë të klerit, me Konferencën e Peshkopëve Katolikë të SHBA-së, duke argumentuar në favor javën e kaluar.
“Duke pasur parasysh urgjencën e kësaj krize, mungesa e vaksinave alternative të disponueshme dhe fakti që lidhja midis një aborti që ka ndodhur dekada më parë dhe marrjes së një vaksine të prodhuar sot është e largët, në këto rrethana vaksinimi me vaksinat e reja Covid-19 mund të justifikohet moralisht”, thuhej në një dokument të botuar nga dy prej anëtarëve të grupit.
Në të thuhej se vaksinat e prodhuara nga Pfizer / BioNTech dhe Moderna, të cilat përdorën një linjë qelizore që rrjedh nga një fetus i abortuar për të testuar vaksinat e tyre, ishin të preferueshme ndaj vaksinës Oxford / AstraZeneca, e cila përdori qelizat e tilla në fazat e hartimit, zhvillimit, prodhimit dhe testimit. Sidoqoftë, po të mos kishte zgjedhje, “do të lejohej të përdorej vaksina AstraZeneca”, thuhej në dokument.
Disa nga vendet me numrin më të lartë të rasteve të koronavirusit kanë popullsi të konsiderueshme katolike, duke përfshirë Brazilin, Meksikën, Italinë dhe Spanjën.
Lajmi për vendimin e Vatikanit mbi këtë çështje erdhi, pasi agjencia e lajmeve AFP njoftoi se dy kardinalë pranë Papa Françeskut kishin rezultuar pozitiv në testin për koronavirus.
Burimi / https://www.bbc.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
