Përgatiti Esmeralda Birçaj
Ata e morën nga shtëpia e tij atërore kur ai ishte 6 vjeç. Në moshën 15 vjeç ai duhej të bëhej një komandant ushtarak dhe diplomat. Në 25 vjeç ai u detyrua të linte Tibetin për në Indi. Sot Dalai Lama është 79. Duket se jeta e tij nuk ka qenë e lehtë.
Por në vend që të shohë rrudha në fytyrën e tij, ai sheh një shkëlqim që vallëzon në sytë e tij. Për mbi 50 vjet njerëzit kanë pritur të dëgjojnë fjalët e tij të mençura dhe të shohin veprat e tij.
Për t’ju ndihmuar të kuptoni parimet që e kanë ndihmuar këtë njeri të pabesueshëm që të mbajë qëndrimin e tij pozitiv dhe pamjen racionale të botës për kaq shumë vjet, këtu janë 15 mësime jete që ai shprehu me fjalët e tij.
- Jini të sjellshëm sa herë të keni mundësi – domethënë gjithmonë.
- Të jetosh mirë vjen me vepra, jo me lutje.
- Arroganca mund të justifikohet. Është rezultat i vetëvlerësimit të ulët ose veprimeve të përkohshme dhe të parëndësishme.
- Kur dikush mendon se gjithçka në jetën e tij po shkon keq, do të thotë që diçka e bukur do të ndodhë së shpejti.
- Njerëzit ekzistojnë për të dashur, gjërat ekzistojnë për t’u përdorur. Bota është në kaos sepse këto të dyja janë kokëposhtë.
- Koncepti i dhembshurisë nuk ka lidhje me fenë. Është një koncept global. Ekzistimi i tij është kushti i vetëm për mbijetesën e specieve njerëzore.
- Nëse mund të ndihmoni, ju duhet. Nëse nuk mundeni, të paktën mos lëndoni.
- Unë nuk i festoj ditëlindjet. Për mua, nuk ka asnjë ndryshim nga ditët e tjera. Në një farë mënyre çdo ditë është ditëlindja. Çdo ditë që zgjoheni në mëngjes, gjithçka është e freskët dhe e re dhe qëllimi i vetëm për ditën e re është të mësoni diçka të rëndësishme.
- Qëllimi në jetë është të jesh i lumtur.
- Duke pasur një qëndrim pozitiv ndaj jetës vazhdimisht, mund të jeni të lumtur edhe në situatat më të pakëndshme.
- Praktikoni durim, duke ndjekur qëllimin dhe dhembshurinë tuaj.
- Unë besoj se feja e vetme e vërtetë është të kesh një zemër të mirë.
- Ne duhet të kemi kontroll mbi teknologjinë dhe të mos bëhemi skllevër të saj.
- Mundësitë e mëdha gjithmonë fillojnë me njerëzit, baza për paqen në botë është kjo paqe dhe qetësi e brendshme që është në zemrën e secilit prej nesh. Secili prej nesh kontribuon.
- Secili prej nesh ka një përgjegjësi ndaj gjithë njerëzimit. Ky është themeli i fesë sime të thjeshtë. Nuk kemi nevojë për tempuj dhe filozofi komplekse. Mendja dhe zemra jonë janë tempujt tanë, filozofia jonë është mirësia jonë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
