Çfarë kuptimi ka në një çift grindja për “opinione” të ndryshme?
Është logjike që në çift të ketë mendime të ndryshme: çifti përbëhet nga dy individë të veçantë që kanë dy koka të ndryshme, emocionohen për situata të ndryshme, kanë projekte për jetën e përbashkët, por edhe atë individuale, rrugën e tyre të rritjes personale, etj…
Mund të ketë rastësi, mendime të përbashkëta, bashkëveprime, por atëherë ndryshimi i pikëpamjeve është normal.
Dashuria nuk vjen përmes barazisë. Të grindeni për këtë është një justifikim për të mos dashur njëri-tjetrin. Dallimi në mendim përdoret si pretekst për të gjykuar, akuzuar apo dënuar tjetrin.
“Nëse mendon ndryshe nga unë, atëherë nuk më do, atëherë e ke gabim…”. Kjo mënyrë jetese e vret çiftin.
Duam të krijojmë një simbiozë që shndërrohet në kafaz, ku tjetri nuk është më i lirë të rritet, të shprehet.
“Ose kështu, ose asgjë”.
Ky mesazh themelor bëhet një shantazh i bukur, por ndoshta është vetëm një mënyrë për ta larguar personin, për ta bërë atë të ndihet në gabim dhe prandaj një ditë e fajësoni atë për prishjen e mundshme të marrëdhënies.
A kemi mendime të ndryshme?
Mirë! Ajo që është e rëndësishme është që ekzistojnë këto pika të përbashkëta: puthje, përqafime, përkëdhelje …
Pjesa tjetër është plotësuese.
Përgatiti Orjona Tresa / Burimi Metodo StudiAmo – D.ssa Lucia Goldoni
Përgatiti Orjona Tresa / Burimi Metodo StudiAmo – D.ssa Lucia Goldoni
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
