Mirëqenie

July 10, 2018 | 11:34

Dieta 16:8 shumë e lehtë për t’u ndjekur dhe shumë efektive

Sipas një studimi të ri, dieta 16:8 ndihmon në rënien në peshë për vetëm 12 javë. Ngrënia e çfarëdolloj ushqimi mes orëve 10 të mëngjesit deri në 6 të mbrëmjes dhe agjërimi për 16 orët e ardhshme, ndihmon për të rënë në peshë. Personat që ndoqën këtë regjim gjatë një studimi të kryer nga Universiteti Illinois, në Çikago, humbën rreth 3% të peshës trupore vetëm për 3 muaj.

Kjo dietë ndryshon nga dieta popullore 5:2, që lejon përdoruesit të ushqehen normalisht për 5 ditë të javës dhe për 2 ditët e mbetura të konsumojnë vetëm 25% të kalorive që kanë marrë 5 ditët e kaluara – 500 kalori për gratë dhe 600 për burrat.

Edhe pse dozat e kalorive nuk janë pjesë e dietës 16:8, ngrënia për një interval të caktuar kohe ndihmon njerëzit të konsumojnë 300 kalori më pak në ditë, duke ndihmuar kështu në rënien në peshë.

Autorja kryesore e studimit, prof. Krista Varady,  nga Universiteti i Illinois, sqaron: “Studimi tregon se ka opsione të tjera për rënien në peshë që nuk përfshijnë numërimin e kalorive apo heqjen dorë nga ushqime të caktuara. Dieta 16:8 mund të jetë më e lehtë për t’u ndjekur nga njerëzit”.

Obeziteti rrit rrezikun për zhvillimin e sëmundjeve të zemrës, goditjes në tru dhe problemeve me kujtesën.

 

Burimi / shendeti.com.al

To Top

Powered by themekiller.com anime4online.com animextoon.com apk4phone.com tengag.com moviekillers.com