Shumë njerëz i konsiderojnë aknet si problem i adoleshentëve, kur në fakt e vërteta është se ky problem i zakonshëm i lëkurës mund të vazhdojë edhe në të 20-ta, 30-ta, madje edhe tek të 40-tat.
Nga hormonet deri tek gjenetika dhe regjimi për kujdesin e lëkurës, aknet tek të rriturit mund të nxiten nga shumë faktorë, përfshirë edhe ajo çfarë hani.
Dr. Douglas Grose, president i Kolegjit Mjekësor Kozmetik i Australasia thotë që është e rëndësishme të merrni në konsideratë dietën dhe mënyrën e jetesës kur trajtoni aknet.
Sipas ekspertëve, personat që vuajnë nga aknet duhet të shmangin ushqimet e ëmbla, të konservuara dhe ato shumë të përpunuara, si pijet e gazuara, drithërat me sheqer që konsumojnë në mëngjes, patatet e skuqura dhe buka e bardhë.
“Aknet më shumë shkaktohen nga hormonet se sa nga ngrënia e ushqimeve të gabuara, megjithatë, studimi i fundit sugjeron se ngrënia e shumë ushqimeve të tilla mund të përkeqësojë aknet”, thotë dietologia Melanie McGrice.
Dr. Grose thotë se kur bëhet fjalë për akne, karbohidratet mund të jenë armiku kryesor. Çdo ushqim që kryesisht vjen nga drithërat, si buka, pasta, biskotat, ëmbëlsirat si dhe produktet e qumështit me bazë shtazore, duhet të shmangen për mbrojtjen e lëkurës ndaj akneve.
Burimi / https://shendeti.com.al/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
