Secili person ka preferencat dhe ritualet e veta të përditshme, por ne rrallë mendojmë se pse i kanë këto zakone. Jemi mësuar t’i shohim ato si veprime shumë të zakonshme, ndërsa zakonet tona (të cilat mund të duken krejtësisht të rastësishme) në fakt mund të tregojnë shumë për pjesët e personalitetit tonë që përpiqemi t’i mbajmë të fshehura.
Ushqim organik
Njerëzit që nuk hanë ushqime të dëmshme dhe zgjedhin ushqim të cilësisë së lartë pa hormone dhe pesticide janë më të prirur për të gjykuar njerëzit e tjerë. Ata janë zakonisht më pak altruistë dhe shumë subjektiv ndaj të tjerëve.
Autori kryesor i këtij hulumtimi i shpjegon rezultatet në këtë mënyrë se: “Njerëzit mendojnë se kanë bërë një gjë të mirë dhe tani kanë të drejtë të jenë joetikë në të ardhmen. Mund të krahasohet me të vizituarit në palestër, të vraponi disa kilometra dhe më pas të mendoni se tani mund të hani një çokollatë.” E njëjta gjë vlen edhe për njerëzit që hanë ushqime organike. Ata i japin vetes “pika” të cilat më pas mund t’i shpenzojnë më vonë për ndonjë veprim joetik.
Dush i ftohtë
Shkencëtarët pohojnë se njerëzit shpesh kompensojnë ngrohtësinë emocionale duke ndryshuar temperaturën e ujit në dush. Për shembull, sa më shumë kohë të kalojë një person në një dush të ngrohtë, aq më shumë ndihet i vetmuar. Po ata që duan të bëjnë dush të ftohtë? Hulumtimet tregojnë se ata janë kokëfortë, egocentrikë dhe nuk u pëlqejnë mendimet e të tjerëve. Njerëz të tillë mund të dëgjojnë një këndvështrim tjetër, por ata kurrë nuk do të pajtohen me të.
Çanta për blerje të ripërdorshme
Disa vite më parë, çantat e blerjeve prej pëlhure të ripërdorshme u bënë trend dhe disa njerëz ishin të lumtur të zëvendësonin qeset plastike dhe letre me to. Në këtë rast, ashtu si me adhuruesit e ushqimit organik, njerëzit mendojnë se mbledhin pikë për gjërat e mira që bëjnë, kështu që njerëz të tillë shpesh blejnë ushqime të pashëndetshme si patatinat, çokollata, sode, etj. Autorët e studimit shpjegojnë se klientët që blejnë çanta prej pëlhure mendojnë se kjo i bën ata të kujdesen për mjedisin, kështu që kanë të drejtë të blejnë diçka të shijshme, por të pashëndetshme
Kutia postare e një personi mund të zbulojë shumë për personalitetin e tyre:
Njerëzit që nuk i shpërfillin kurrë letrat e reja (i renditin, i fshijnë ose përgjigjen sapo i marrin) u pëlqen t’i mbajnë gjërat nën kontroll.
Nëse një person rrallë fshin mesazhe pas leximit, kjo është një shenjë e perfeksionizmit. Ky person ka nevojë për një ndjenjë sigurie. Ata mbajnë gjithçka, “për çdo rast”. Njerëzit që lënë e-mail të palexuar dhe nuk i fshijnë janë më inteligjentë sepse e kuptojnë se leximi i këtyre letrave nuk do t’u japë atyre asgjë të dobishme, kështu që zgjedhin të mos humbasin kohën e tyre për të.
Pëlqimet e mediave sociale
Gjatë hulumtimit, shkencëtarët zbuluan se mund të përdorni pëlqimet në Facebook për të zbuluar gjininë, pikëpamjet politike, orientimin seksual, pikëpamjet fetare dhe nivelin e inteligjencës së një personi. Studimi u krye për të përmirësuar metodat e shitjes së mallrave të ndryshme, por studiuesit zbuluan gjithashtu se pëlqimet janë një formë e ” slacktivizmit ” dhe një shenjë e dembelizmit . Njerëzit mund të shprehin faktin se janë të shqetësuar për diçka me një klikim të mausit të kompjuterit. Ata kursejnë kohën e tyre dhe nuk bëjnë asnjë përpjekje.
Ushqim i hidhur
Çdo person njeh dikë që i pëlqen kafeja pa krem ose sheqer. Shkencëtarët pohojnë se njerëzit që pëlqejnë të pinë kafe të zezë të pastër kanë më shumë gjasa të kenë një çrregullim psikologjik.
Sipas rezultateve të studimit , shija e ushqimeve të hidhura mund të jetë shenjë se një person është psikopat . Në të njëjtën kohë, njerëzit që pëlqejnë tonikët dhe pijet e tjera pa sheqer kanë më shumë gjasa të shfaqin tipare të narcisizmit – ata mund të jenë hipokritë dhe egoistë. Ata gjithashtu mund ta shijojnë atë kur njerëzit e tjerë vuajnë.
Përgatiti K.M / Burimi Brightside
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
