Një burrë i dashuruar pas gruas së tij po përdor albumet me fotografi për ta ndihmuar atë që të kujtojë jetën e tyre së bashku, pasi është prekur nga demenca – një gjest i ngjashëm me atë që ka bërë mjaft jehonë në filmin e famshëm ‘The Notebook’.
James Dargan, nga Sawbridgeworth, Hertfordshire, u shkatërrua kur e dashura e tij që nga mosha e adoleshencës Judy, 74 vjeç, u diagnostikua me këtë sëmundje tre vjet më parë.
Por 76-vjeçari, i cili u martua me Judy në vitin 1965, ishte i vendosur të mos heqë dorë kurrë nga gruaja e tij, e cila shumë shpejt i harroi 53 vitet e tyre së bashku.
Tani, pavarësisht faktit që sëmundja është duke përparuar me shpejtësi, James përdor albumet e tyre të fotografive për të ndihmuar Judy-n që të kujtojë momentet e kaluara së bashku.
Jetët e tyre janë krahasuar me atë të shfaqur në dramën e vitit 2004 ‘The Notebook’ – bazuar në romanin e vitit 1996 – në të cilin një çift i moshuar rikujtojnë jetën e tyre të mrekullueshme së bashku, ndërkohë gruaja lufton me sëmundjen e demencës.
Ai tha: ‘Judy buzëqesh kur sheh fotot në albume. Kalimi nëpër fotot tona është një nga gjërat e mia të preferuara, që dua të bëj, pasi më kujton jetën e mahnitshme së bashku’.
James është kaq i përkushtuar në kujdesin ndaj gruas së tij Judy, saqë ka mësuar se si t’i bëjë asaj tualet dhe ti rregullojë flokët.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
