Dëshmi

September 1, 2018 | 8:52

Doktori shqiptar i shpëton jetën pasagjerit të avionit, të gjithë e përgëzojnë dhe e quajnë hero

 

Janë të pakta rastet kur dëgjon diçka të mirë për shqiptarët, por rasti në fjalë është padyshim nja akt për të merituar dhe titullin hero. Bëhet fjalë për kardiokirurgun e njohur shqiptar që jeton dhe punon në Irlandë, Kristo Papa, i cili i shpëtoi jetën një pasagjeri të avionit kur po udhëtonte me bashkëshorten.

Ka qenë ora 02:45 e mëngjesit të së mërkurës, kur pasagjeri 63-vjeçar i ulur pranë mjekut humbi ndjenjat. Doktori shqiptar u afrua pranë pasagjerit ku i dha ndihmën e parë duke konstatuar se kishte të bënte me një Lipotimi.

Përgjatë 40 minutave e cila ishte pjesa e mbetur e udhëtimit nga Cori Irlandës për në Verona, doktori shqiptar ka arritur ta mbajë në jetë deri në mbërritjen e ambulancës. Pas shoqërimit nga ekipi mjekësor për në ambulancë, të gjithë pasagjerët kanë duartrokitur veprimin e doktorit shqiptar duke e quajtur një hero.

Doktori e ka vizituar pasagjerin edhe në spital ku ka marrë konfirmim se ai është jashtë rrezikut për jetën. Sipas mjekëve të spitalit, nëse nuk do të kryhej ndërhyrja në kohë, 63-vjeçari do të kishte humbur jetën.

 

Burimi / joqalbania

To Top

Powered by themekiller.com anime4online.com animextoon.com apk4phone.com tengag.com moviekillers.com