Gjatë romanit “Doja t’ju tregoja për yjet”, mora rininë 20kg. Të shkruaja këtë roman më shkatërroi në çdo kuptim: emocionalisht, psikologjikisht dhe fizikisht. Nuk e fsheh që, përveçse nuk kam vënë gjumë në sy për muaj të tërë, e kam tejkaluar edhe me ushqimin dhe alkoolin. Edhe të dish se kjo është e gabuar… Por ky shkatërrim, paradoksalisht, ishte absolutisht pozitiv, sepse më lejoi të përpunoja dhe të merresha me shumë gjëra që kisha brenda meje.
Monstra, frika, trishtimi, vetmia dhe dhimbja. Ju nuk mund të shpëtoni nga të gjitha këto gjëra, nuk mjafton të dukeni mirë, të buzëqeshni dhe të shkoni në festa, po … sepse nëse ia mbath, të gjitha ato gjëra që ju presin shpirtin, herët a vonë kthehen për t’ju parë. Sepse ato shenja në zemrën tuaj, prerjet, zhgënjimet, plagët, edhe nëse nuk i keni bërë vetë, edhe nëse dikush që ndoshta e keni dashur më shumë se jeta juaj, jua ka shkaktuar dhe pastaj ju ka therur në shpinë, duke luajtur me ju, me dashurinë tënde, me naivitetin tënd, dhe, edhe nëse gjërat shkuan kështu, kjo gjë tani është e juaja. Dhe, duhet të merreni vetë me të. Duhet të mësoni të urreni veten për lejimin e asaj që bëri të luajë me jetën, me ndjenjat tuaja, me ekuilibrin tuaj, me gjithçka që ju vlerësoni.
Dhe pastaj, pasi e ke urryer veten, pasi i ke premtuar se nuk do të lejosh kurrë që dikush t’ju lëndojë aq shumë, atëherë duhet të mësoni të doni veten, ta doni veten, të filloni përsëri nga vetja. Duhet të mësosh ta duash veten aq shumë, sa ta lejoni atë të rilindë. Të rilindësh vërtet. Dora që do të të ndihmojë të çohesh, të ngrihesh përsëri në këmbë, ajo që do të duhet ta shtrëngosh për t’ia dalë sërish, për të rimarrë qiellin dhe yjet…, kjo është ajo, do të jetë dora jote! E gjithë kjo do t’ju ndihmojë të keni akoma guximin e lumturisë. Mos u tërhiq kur të vijë sërish dashuria! Flakëtarja e thatë emocionale nuk do të na i djegë ëndrrat!
Në gjithë këtë, që nga 27 gushti, që kur i dorëzova tekstin botuesit tim për shtyp, tashmë kam humbur 10 kg. Sport dhe dietë e shëndetshme. Një gotë verë të kuqe vetëm ndonjëherë. Nga java tjetër, pra, kthehemi në stërvitje më seriozisht me crossfit. Sepse kur të rritem, si dhe të jem shkrimtar, dua të jem edhe modele …
Roberto Emanuelli, shkrimtar italian
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
