Tetori është muaji i sensibilizimit kundër kancerit të gjirit. Gazetarja Fjori Dardha në një mesazh sensibilizues, ka rrëfyer eksperiencën e saj në lidhje me këtë sëmundje dhe bën apel për gratë që të veprojnë për t’u mbrojtur prej saj.
“E njoh mirë këtë dreq sëmundje!
E di mirë se si të rrënon, jo vetëm fizikisht!
E njoh vuajtjen që të shkakton!
E di se si ta turbullon jetën!
E di se si të shembet bota!
Kam mësuar përmendësh ekzaminimet, protokollin e mjekimit, llojet e kimioterapisë, seancat e radioterapisë, intensitetin e dhimbjeve, pafuqinë që ndjen gjatë terapisë, stresin që perjeton!
Njoh “shijen” e lotëve që shkakton kjo DREQ sëmundje!
Kur e ke në shtëpi nuk është më sëmundje e një personi, është vuajtje e gjithë familjes!
Duhet forcë e madhe për të përballuar!
Ta konstatosh në kohë kancerin e gjirit është fitorja më e madhe!
MOS I NEGLIZHONI KONTROLLET!
Kujdesuni për jetët tuaja!
Tetori është muaj i luftës ndaj kancerit të gjirit!
“E njoh mirë këtë dreq sëmundje!“
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
