Sa herë na ka ndodhur, ose njerëzve afër nesh, që të ndjejnë nevojën për t’u izoluar dhe për të qarë? Sikur të ishte ky gjest, i cili ndërthur një seri disponimesh dhe emocionesh, diçka për t’u fshehur, diçka për të cilën do të vinte turp. E qara nuk është një shenjë e dobësisë siç shumë njerëz kanë tendencë të besojnë.
Ndjenja e nevojës për të hequr dorë nga emocionet nuk është një qëndrim negativ, por, siç pretendojnë shumë ekspertë, një mënyrë për të shmangur akumulimin e ankthit dhe depresionit. E qara pra jo vetëm që nuk tregon dobësi, por tregon inteligjencë të lartë emocionale.
Dy ekspertë në fushën e emocioneve, biokimisti i mirënjohur Frey dhe Goleman, psikolog dhe autor i eseve të shumta mbi inteligjencën emocionale, na shpjegojnë disa gjëra interesante.
Sipas Prof. Frey, lotët lejojnë trupin të lëshojë të gjitha ato toksina të shkaktuara nga situata e stresit dhe dhimbjes. Qarja, pra, ndihmon në pastrimin e trupit të proteinave dhe hormoneve që janë formuar përpara se të lëshoni gjendjen shpirtërore.
Daniel Goleman, nga ana e tij, thotë se e qara është një sinjal i rëndësishëm që nxjerr në pah inteligjencën emocionale të personit të përfshirë. Kur, për shkaqe të ndryshme, njeriu ka tendencë të mbajë lotët, nuk bën gjë tjetër veçse i reziston trishtimit dhe zemërimit të dikujt. Dhe ky qëndrim, përveç që nuk është i natyrshëm, nga ana tjetër prodhon kundërindikacion pikërisht në menaxhimin e emocioneve dhe kontrollin e tyre.
Përfitimet e të qarës
E qara është pra një sinjal i rëndësishëm i inteligjencës emocionale. Jo vetëm kaq. Lotët kryejnë edhe shumë funksione të tjera të dobishme.
Mbrojnë sytë:
E qara aktivizon gjëndrat e lotit që mbrojnë dhe lubrifikojnë kornean, dhe veprojnë si mbrojtje kundër acarimit dhe viruseve.
Ngushëllojnë shpirtin:
Lotët përmbajnë opiorphin, një proteinë që ndihmon në luftimin e depresionit.
Ato ndihmojnë në administrimin e emocioneve negative:
Kur ndërtohet stresi dhe tensioni, një e qarë e mirë, ndihmon trupin të mos somatizohet.
Në këto kontekste e qara merr një vlerë të ribalancimit të emocioneve, duke vepruar si një fenomen i çlirimit. Prandaj mos kini frikë të qani, përkundrazi, bëni kujdes nga ata që tregojnë forcë duke shtypur emocionet dhe ndjenjat.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
