Sipas një studimi të ri, Carlo Bellieni, pediatër dhe neonatolog në Universitetin e Sienës na tregon shkaqet e humorit dhe përfitimet që sjell e qeshura në organizmin tonë.
“E qeshura lindi si një formë e gjuhës stërgjyshore, përpara fjalës dhe u zhvillua tek të parët tanë përpara lindjes së vetë gjuhës. Lindur për të paralajmëruar për një arratisje të ngushtë, mbeti sepse ishte e dobishme për psikikën dhe organizmin” tha profesor Bellieni.
Në studimin e tij ai shpjegon se cili është shkaku i humorit dhe pse e qeshura ritmike është manifestimi fizik i tij. Në dy vitet e kërkimit, u studiuan si karakteristikat fizike ashtu edhe qendrat e trurit të lidhura me prodhimin e aktit të të qeshurit dhe përfitimet shëndetësore të humorit.
“Teoria më e besueshme për humorin është ajo e mospërputhjes, – shpjegon Bellieni, – ku një ngjarje ose objekt i papërputhshëm shkakton një ndjenjë habie dhe pasohet nga diçka që qetëson shikuesit për padëmshmërinë e saj.
“E qeshura do të ishte stigmatizimi i kësaj mospërputhjeje të panatyrshme, përmes tingullit dhe formës së saj ritmike”. Një lloj sinjali jo më vigjilent pas goditjes së shkaktuar nga sa duket e rrezikshme për rrjedhshmërinë e jetës.”
“Me pak fjalë, nuk do të qeshin vetëm budallenjtë, por të gjithë njerëzit në luftën e përditshme për mbijetesë”- përfundoi ai.
Burimi www.tgcom24.mediaset.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
