Ecja në natyrë nuk është vetëm një argëtim, por mund të bëhet një terapi e vërtetë. Këtë e kanë kuptuar si në Kanada, ku mjekët e përgjithshëm i përshkruajnë si ilaç shëtitjet në parqe, por edhe në Shtetet e Bashkuara të Amerikës.
Në fillim të prillit 2022, fëmijë dhe familjet e tyre u mblodhën nën drurët e kuq në një park rajonal pranë Oakland, Kaliforni. Ata u ulën me një mjek, doktor Nooshin Razani, nën degët e pemëve të lashta, duke marrë ajër të pastër. Programi është pjesë e një tendence në rritje të të ashtuquajturave “receta të parkut”, të cilat janë bërë gjithnjë e më popullore gjatë dekadës së fundit së bashku me kërkimin mbi efektet shëndetësore të kalimit të kohës në natyrë. Në këto programe, mjekët inkurajojnë fuqishëm pacientët e rinj dhe të moshuar që të kalojnë më shumë kohë jashtë për të përmirësuar shëndetin e tyre mendor dhe fizik. Natyrisht, asnjë mjek nuk i këshillon pacientët që të kalojnë një ditë në park në vend që të përshkruajnë barnat e nevojshme psikiatrike. Natyra nuk është një kurë për problemet shëndetësore dhe recetat e parkut nuk janë menduar të përdoren në vend të ilaçeve me recetë. Por njerëzit mund të korrin përfitime të vërteta.
Përgatiti K.I / Burimi www.donnad.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
