Ky është rrëfimi i një gruaje që jeton çdo ditë me pasion, përkushtim dhe dashuri, një udhëtim mes sfidave dhe gëzimeve, ku dashuria është gjithmonë kryefjala.
Prej 18 vitesh, Eda Bano drejton Çerdhen dhe Kopshtin “Princi i Lumtur”, në rrugën “Endri Keko” në Tiranë, një institucion që lindi si dhuratë nga një nënë për nënat. Por rrugëtimi i saj nuk është ndalur këtu. Ajo ka vazhduar të ushqejë ambiciet e saj si grua dhe si profesioniste.
Eda është pjesë e Dhomës Ekonomike të Gruas, një forum frymëzues që promovon shkëmbimin e ideve dhe fuqizimin e grave shqiptare në sipërmarrje.
Për Edën, suksesi nuk matet vetëm me arritje materiale, por me harmoninë me veten, me dashurinë për punën dhe me lidhjet e ngushta njerëzore. Ajo beson në kompromisin, në fuqinë e përqafimit dhe në rëndësinë jetike të pavarësisë ekonomike për gratë.
Në këtë fillim vere, Eda Bano përcjell urimin e saj më të mirë: që paqja të mbizotërojë kudo!
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
