Termi Femicid ose Feminicid është një neologjizëm që identifikon rastet e vrasjeve me dashje ose me qëllim në të cilën një grua vritet për shkaqe gjinore. Prandaj termi përbën një nënbashkësi të të gjitha rasteve të vetëvrasjeve, të cilat përfshijnë një individ femër si viktimë.
Dr. Elton Kazanxhi
Psikolog – Specialist në Psikotraumatologji
Themelues i “EMDR ALBANIA & EMI ITALY)
Kuptimi i këtij neologjizmi është me shtrirje të përcaktuar si: “Çdo formë dhune e ushtruar në mënyrë sistematike ndaj grave në emër të një superstrukture ideologjike të matricës patriarkale, me qëllim që të përjetësojë nënshtrimin gjinor dhe të asgjësojë identitetin përmes nënshtrimit fizik ose psikologjik të gruas si e tillë, deri në skllavëri ose vdekje”.
Femicidi është e përhapur në të gjithë botën, por ka forma dhe incidencë të ndryshme në secilin vend: vendet e Amerikës Qendrore dhe Amerikës së Jugut janë ato ku është studiuar më shumë dhe ka dhënë më shumë hapësirë në diskutime politike.
Një vlerësim i shtrirjes së fenomenit është kryer nga Zyra e Kombeve të Bashkuara për Kontrollin e Drogës dhe Parandalimin e Krimit (UNODC) duke krahasuar të dhëna nga 32 vende evropiane dhe të Amerikës së Veriut për të cilat të dhëna të besueshme janë në dispozicion për vitet që nga viti 2004 deri në vitin 2015, periudha në të cilën pati një incidencë prej 1,23 vdekjesh për 100,000 gra banorë.
Termi Feminicidi
Përmendja e parë e këtij termi në kuptimin e tij modern, si “vrasja e një gruaje nga një burrë për arsye të urrejtjes, përbuzjes, kënaqësisë ose ndjenjës së zotërimit të grave” është rrëfyer që nga viti 1990, nga profesori feminist i Studimeve Kulturore Amerikane Jane Caputi dhe kriminalisti Diana EH Russell.
Më vonë termi u përdor nga vetë Russell në 1992, në librin e shkruar së bashku me Jill Radford Femicide: Politika e vrasjes së grave. Russell identifikoi një kategori të vërtetë kriminologjike në femicide: dhunë ekstreme nga burrat ndaj grave “sepse ato janë gra”, në të cilën dhuna është rezultat i praktikave misogyniste.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
