“Una cosa più grande” titullohet kënga që shënon rikthimin e Ermal Metës. Pjesa, në bashkëpunim me Giuliano Sangiorgi, është një nga risitë në listën e këngëve 100% Grandi Successi dhe vetë Ermali foli në emsioionin radiofonik të Anna Pettinelli dhe Sergio Friscia.
Kantautori nuk mund të mos e niste fjalën e tij duke kujtuar “Non mi avete fatto niente”, këngën me të cilën fitoi Sanremo në 2018-ën së bashku me Fabrizio Moro dhe që fatkeqësisht, si asnjëherë më parë, ka një tekst mjaft aktual.
“Ishte një gjë kaq e largët, por, në një formë tjetër, na kishte prekur në atë moment. Tani gjithçka duket si një ëndërr e keqe me dëshirën për ta harruar atë. Mendova se vetëm gjyshërit tanë mund të na tregonin për këtë dhe në vend të kësaj ne gjendemi sërish në një situatë shumë të rrezikshme”.
Më pas Ermali na tregoi se si lindi ideja e bashkëpunimit me Giuliano Sangiorgi për këngën e tij të re “Una cosa più grande”.
“Ju e premtuat këtë partneritet, apo jo?” pyeti Ana.
“Kemi disa vite që e duam këtë gjë, por është e vështirë të gjesh momentin sepse nuk duhet të duket si një gjë e detyruar; kishte këngën e duhur, ia propozova sikur të ishte lojë. Ai e pëlqeu menjëherë dhe shkroi një pjesë të këngës”. Anna theksoi se, potencialisht, kënga do të ishte perfekte edhe për Sanremon dhe më pas e pyeti Ermalin nëse e kishte menduar ta propozonte për Festivalin: “Në fakt jo, sepse një vit më parë kisha qenë atje dhe nuk e mendova këtë”.
Teksti flet për një lidhje të thellë mes të gjithëve, me pamundësinë për të bërë një jetë vetëm:
“Përpjekja për të bërë një jetë vetëm është e pamundur: ne e kuptojmë çdo ditë e më shumë se gjithçka që na shqetëson, në një farë mënyre, ruhet nga të tjerët. Çdo lumturi e jona, çdo pakënaqësi e vogël, në realitet, ruhet nga dikush tjetër. Kënga shpreh pikërisht këtë: një lidhje të thellë që na bashkon të gjithëve”.
Burimi / https://www.rds.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
