Përgatiti Esmeralda Birçaj/Fobia e angazhimit: “Sa herë që filloj të bëhem serioz me dikë, thjesht trembem dhe filloj të tërhiqem dhe nuk e di pse.”
Një marrëdhënie nuk është për të gjithë një ngjarje e vetëkuptueshme dhe normale. Për disa, perspektiva e një takimi serioz është një burim frike, presioni dhe ankthi. Njerëzit të cilët kanë frikë nga angazhimi duan të krijojnë një marrëdhënie me një perspektivë, por frika e tyre mbizotëron, duke rezultuar që ata ta “marrin lehtë” pas pak kohe.
Pse po ndodh kjo?
Sigurisht që ka më shumë se 1-2 shkaqe të fenomenit si moria e opsioneve të disponueshme përmes rrjeteve sociale dhe më shumë mundësi për të dalë me miqtë, mendimi “ndoshta më vonë do të gjej një grua që do të më përshtatet më mirë” dhe në më filozofiko-ekzistenciale “Jam ende i ri për të hyrë në telashe. Jeta është shumë e shkurtër për ta kufizuar veten dhe për të marrë përgjegjësi që tani e tutje”.
Por unë do të preferoj të zgjerohem në shkakun më të thellë të cilin e ndesh më shpesh.
Frika nga angazhimi në moshë madhore është e rrënjosur në fëmijëri dhe në marrëdhënie, lloji i lidhjes që kemi zhvilluar atëherë me prindërit tanë. Personi që ka përjetuar braktisjen e kujdestarit është regjistruar në “hard drive” se dashuria, në fund, të dhemb. Prandaj, për të shpëtuar veten nga përsëritja e mundshme e traumës, ai rimerr kontrollin dhe kufizon kohën dhe cilësinë e emocioneve të tij. Për shembull, imagjinoni dikë që ka aq frikë nga përplasja, saqë përfundon duke gërvishur vetë makinën e tij për të lehtësuar stresin e frikës së tij, ankthin e një fundi të afërt.
Si përmbledhje, frika nga angazhimi është rezultat i frikërave të tjera, të vendosura mirë në mjedis, kryesisht në fëmijëri. Riprodhimi i të njëjtave modele që të kujtojnë shumë përsëritjen e të njëjtave korniza të një filmi që ne njohim fundin tragjik.
Është mirë që njerëzit që përjetojnë këtë frikë t’i bëjnë vetes pyetjet e mëposhtme.
Jeni të shqetësuar për idenë e përgjithmonë?
Keni frikë se zgjedhja që keni bërë mund të jetë e gabuar?
Keni frikë se mos humbisni lirinë-autonominë tuaj?
Keni frikë nga një martesë e keqe si prindërit tuaj për shembull?
Keni frikë se ai/ajo do të jetë një partnere e keqe?
Nëse përgjigjet për shumicën prej tyre janë PO, atëherë do të ishte mirë të filloni të punoni me veten për të kuptuar burimin e këtyre ndjenjave.
Përgatiti Esmeralda Briçaj,eksperte e shëndetit mendor
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
