Anëtarët e familjes mbretërore i kanë dërguar publikisht urimet Princit Harry dhe Meghan Markle për lindjen e fëmijës së dytë të çiftit, Lilibet Diana.
Sipas “Marie Clair”, një zëdhënës i Pallatit Buckingham publikoi një deklaratë dje, ku shprehte lumturinë e familjes, shkruar në emër të Mbretëreshës Elizabeth II, Princit Charles dhe Camilla-s, si dhe Princit William dhe Kate Middleton.
“Mbretëresha, Princi i Uellsit dhe Dukesha e Cornwall dhe Duka e Dukesha e Kembrixhit janë informuar dhe janë të lumtur me lajmin e lindjes së një vajze për Dukën dhe Dukeshën e Sussex,“- tha zëdhënësi.
William dhe Kate më pas publikuan në Tëitter një mesazh urimi duke shkruar:
“Të gjithë jemi të kënaqur nga lajmi i lumtur për ardhjen e vogëlushes Lili. Urime Harry, Meghan dhe Archie.”
Marrëdhënia e Meghan dhe Harry-t me familjen mbretërore ka qenë shumë e diskutuar në media, pas intervistës së bujshme me Oprah Winfrey, ku ata ngritën pretendime për racizëm dhe bënë deklarata aspak të këndshme për familjen.
Por pasi vogëlushja Lilibet erdhi në jetë të premten, thuhet se Harry dhe Meghan menjëherë telefonuan Mbretëreshën, Princin Charles dhe William-in për t’i informuar për lajmin.
Çifti gjithashtu bëri një lëvizje të qartë për të forcuar lidhjet familjare duke zgjedhur emrin Lilibet, i cili është nofka e familjes për Mbretëreshën. Emri i mesëm i Lilibet, Diana, është në nder të nënës së ndjerë të Harry-t dhe William-it, Princeshës Diana, e cila vdiq në vitin 1997.
Burimi / Panorama Plus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
