Nga pediatrit e SIPPS – Shoqërisë Italiane të Pediatrisë Preventive dhe Sociale – vijnë pesë këshilla të çmuara për prindërit, për t’u siguruar që fëmijët të mos e izolojnë veten në botën digjitale gjatë verës.
Fëmijët “Digjital” me pushime
Mjetet teknologjike që tashmë i kemi të gjithë – televizion, smartphone, kompjuter, tableta – përdoren gjithnjë e më shumë nga fëmijët në momente të kohës së lirë, në vend të lodrave reale.
Nëse nga njëra anë është e pashmangshme që teknologjia është pjesë përbërëse e jetës së gjeneratave të reja, për shkak se ata kanë lindur në një periudhë të përhapjes së pajisjeve digjitale kompjuterike, nga ana tjetër është thelbësore që ky kusht të mos e shtyj fëmijën për të alienuar veten nga bota reale dhe të humbasë kontaktin me kolegët e tij.
“Qasja e fëmijëve dhe të rinjve në teknologjitë e reja është e pashmangshme dhe nuk mund dhe nuk duhet të pengohet”, shpjegon Giuseppe Di Mauro, President i SIPPS. “Duhet të kufizohet dhe udhëhiqet drejt një përdorimi të vetëdijshëm dhe përmes programeve me cilësi të lartë, një detyrë që kryesisht qëndron tek prindërit dhe të rriturit e tjerë referues, si mësuesit”.
Ky tregues është edhe më i rëndësishëm gjatë verës, kur angazhimet e shkollës mbarojnë dhe fëmijët kanë shumë më tepër kohë të lirë. Gjatë pushimeve, shumë prindër pyesin veten se çfarë duhet të bëjnë për të stimuluar lojën dhe kureshtjen e fëmijëve të tyre dhe për të parandaluar mbylljen e tyre në botën virtuale, duke humbur kështu mundësinë për t’u shoqëruar, për të qëndruar jashtë, për të lëvizur dhe për të zhvilluar imagjinatën e tyre përmes lojës.
5 këshillat e pediatërve të SIPPS
Pediatrit SIPPS nxitojnë për të ndihmuar prindërit, duke sugjeruar pesë rregulla të thjeshta dhe efektive për periudhën e verës:
Nxitni aktivitetet rekreative që kërkojnë lëvizje, socializim dhe ndërveprim të drejtpërdrejtë, jo virtual: për shembull, regjistrimi në një kamp veror apo një kurs sportiv.
Preferoni aktivitetet në natyrë, me masat e duhura në lidhje me mbrojtjen e lëkurës në orët e ekspozimit të diellit.
Krijimi i një rutine: Është e rëndësishme që mungesa e angazhimeve nuk rezulton në një anarki ritmi, sidomos sa i përket orëve të gjumit, të cilat duhet të respektohen absolutisht.
Kontrolloni dietën, propozoni ushqime të shëndetshme dhe shpesh të ndryshme, duke favorizuar konsumimin e ushqimeve të freskëta, siç janë frutat dhe perimet.
Rregulla për përdorimin e pajisjeve digjitale: është thelbësore që të vendosen rregulla për kohën e lejuar për smartphone, kompjuter, televizion dhe video-lojëra, në mënyrë që të inkurajohen sa më shumë aktivitete në natyrë që lejojnë fëmijën të lëvizë dhe të shoqërohet.
Siç thekson Leo Venturelli, Udhëheqësi i Komunikimit dhe Edukimit Shëndetësor në SIPPS, “pajisjet multimediale nuk rekomandohen për fëmijët nën moshën dy vjeçare, gjatë ngrënies dhe të paktën një orë para se të shkojnë në shtrat. Duhet të shmangen programet që përmbajnë imazhe dhe aplikacione të shpejta që tregojnë përmbajtje të dhunshme dhe argëtimin e një fëmije që qan apo po qëndron në vende publike. Në vend të kësaj, ato mund të kenë efekte pozitive tek fëmijët rreth 3-4 vjeç: nëse shihet së bashku me një të rritur / prind, ato mund të jenë të dobishme për të mësuar fjalë nëpërmjet përdorimit të videos”.
Zgjidhja më e mirë kundër mërzisë dhe tundimit për të marrë strehim në botën digjitale është sporti: “Sipas rekomandimeve të fundit të OBSH-së”, njofton Piercarlo Salari, pediatri përgjegjës për grupin e punës prindërore të SIPPS, “fëmijët ndërmjet moshave një dhe katër duhet të praktikojnë të paktën 180 minuta aktivitet fizik çdo ditë”.
Sporti mund të jetë një mësues i madh i jetës për fëmijët: na mëson të përballemi, të humbasim, të fitojmë, të bëjmë sakrifica, të jemi solidar, të kapërcejmë kufijtë tanë. Është detyra e prindërve të kuptojnë rëndësinë e tij dhe t’i kalojë këto vlera tek fëmijët e tyre.
Përgatiti: Brikela Daci | Burimi / http://www.esseredonnaonline.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
