Festa e babait është një përvjetor civil, i kremtuar në data të ndryshme në botë, për nder të figurës atërore dhe ndikimit social të etërve.
Dita e babait lindi në dekadat e para të shekullit të 20-të, që plotëson Ditën e Nënës për të festuar atësinë dhe etërit në përgjithësi. Festa kremtohet në data të ndryshme dhe shpesh shoqërohet me dorëzimin e një dhurate për babain. Në vitin 1871 Kisha Katolike e kishte shpallur Shën Jozefin (më 19 mars) mbrojtës i baballarëve të familjeve dhe mbrojtës i Kishës universale. Siç e përmblodh Papa Leo XIII: “Te Jozefi, etërit e familjeve kanë modelin më sublim të vigjilencës dhe maturisë atërore; bashkëshortët një shembull të përsosmërisë në dashuri, pajtimit dhe besnikërisë martesore; virgjëreshat, një mbrojtës së bashku me integritetin e pastërtisë. Fisnikët mësojnë prej tij për të ruajtur në fatkeqësi, dinjitetin e tyre dhe të pasurit kuptojnë se cilat janë të mirat që duhet të dëshirojnë. Proletarët dhe punëtorët, me pak fat, duhet të mësojnë nga ai, atë që ata duhet të imitojnë”.
Dokumenti i parë në të cilën u festua Dita e babait u regjistrua në Shtetet e Bashkuara të Amerikës më 5 korrik 1908 në Fairmont, Virxhinia Perëndimore, në kishën lokale metodiste. Zonja Sonora Smart Dodd ishte personi i parë që kërkonte zyrtarizimin e kësaj feste; pa qenë e vetëdijshme për festimet e Fairmont, por e frymëzuar nga predikimi që dëgjoi në kishë gjatë Ditës së Nënës më 1909. Ajo organizoi për herë të parë këtë festë më 19 qershor 1910 në Spokane. Festa u organizua vetëm në qershor, sepse ky muaj ishte ditëlindja e babait të zonjës Dodd, një veteran i Luftës Civile Amerikane.
Shtetet kur kremtohet Dita e Babait
6 janar Serbi (Paterice, ose Dita e babait))
23 shkurt Rusi (День защитника Отечества ose Dita e mbrojtësit të Atdheut)
19 mars Andorra, (Dia del Pare); Bolivia (Día del Padre); Spanja (Dia del Pare); Honduras (Día do Pai); Itali (Festa del Papà), Lihteinshtein, Portugali (Dia do Pai), Zvicër (Festa del Papà), Vatikan (San Giuseppe).
8 maj Korea e Jugut (njihet si festa e prindërve, sepse koreanët i kremtojnë në të njëjtën ditë)
E diela e dytë e majit Rumani (Ziua Tatălui, ose Festa e babait)
E diela e tretë e majit Tonga
Ngritja Germania
E diela e parë e qershorit Lituania, Zvicra (Përfshirë Canton Ticino)
5 qershor Danimarka (së bashku me festën e Ndërtimit)
E diela e dytë e qershorit Austri, Belgjikë, Kolumbi
17 qershor Guatemala, El Salvador
E diela e tretë e qershorit Afrika e Jugut, Argjentina, Kameruni, kanadaja, Kili, Kina, Kosta d’Avorio, Kuba, SHBA, Ekuadori, Franca, Greqia, Hong Kong, Mauritius, India, Irlanda, Japonia, Kenia, Madagaskari, Malajzia, Malta, Maroku, Meksika, Paraguai, Vendet e Ulëta, Peruja, Filipine, Mbretëria e Bashkuar, Republika Çeke, Senegali, Singapori, Slovakia, Tunizia, Turqia, Venezuela, Mali
E diela e fundit e qershorit Haiti
21 qershor Egjipti, Jordania, Libani, Uganda, Siria
23 qershor Nikaragua, Polonia
E diela e dytë e korrikut Uruguai
E diela e fundit e korrikut Republika Domenikane
8 gusht Taivani (për shkak të homofonisë midis «8/8» e «babait»)
E diela e dytë e gushtit Brazili
23 gusht Nepal
E diela e parë e shtatorit Australia, Fixhi, Zelanda e Re, Papua, Guinea e Re
E diela e tretë e shtatorit Ukraina
E diela e parë e tetorit Luksemburgu
E diela e dytë e nëntorit Estonia, Finlanda, Islanda, Norvegjia, Suedia
5 dhjetor Tailanda (përvjetori i mbretit Bhumibol Adulyadej (5 dhjetor 1927-13 tetor 2016)
26 dhjetor Bullgaria
Përgatiti Orjona TRESA
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
