Për të krijuar një lidhje të ngushtë prind-fëmijë, ka disa fraza që të rriturit duhet t’ua thonë çdo ditë të vegjëlve të tyre. Kjo në fakt shërben për të rritur vetëvlerësimin e të vegjëlve, gjë që është thelbësore për rritje të shëndetshme dhe për zhvillimin e tyre psiko-fizik. Nëse fëmijët rriten në një klimë respekti dhe ndihen të dashur, ata rrisin vetëvlerësimin e tyre dhe bëhen të rritur të vetëdijshëm dhe të ekuilibruar.
Është falë edukimit të prindërve që fëmijët të rriten të qetë dhe të shëndetshëm. Në fakt, fëmijët nuk janë kukulla por njerëz të vegjël me ndjenjat, karakterin dhe mënyrën e tyre të të menduarit. Prandaj të rriturit nuk duhet të bëjnë kurrë gabim të besojnë se duke qenë të vegjël nuk kanë personalitetin e tyre. Për të rritur fëmijë të shëndetshëm dhe të ekuilibruar, ata duhet të arsimohen që në moshë të vogël në një atmosferë të qetë dhe të dashur. Forcimi i lidhjes prind-fëmijë është sigurisht një hap i shkëlqyeshëm drejt arritjes së qëllimit.
Kjo është gjithashtu e lidhur ngushtë me formimin e vetëvlerësimit të fëmijës. Përveç qëndrueshmërisë që është e rëndësishme për të mësuar fëmijët tanë, prindërit duhet të përpiqen të rrisin vetëvlerësimin e fëmijëve të tyre. Këtu kemi shpjeguar se si të motivojmë pozitivisht fëmijët.
Tani le të zbulojmë se cilat janë frazat që duhet t’u themi shpesh fëmijëve tanë.
Nuk ka rëndësi nëse gaboni: provoni përsëri! Kjo i mëson fëmijët të mos dorëzohen në pengesën e parë. Mund të ndodhë që të gjithë të bëjnë gabime, përfshirë prindërit, por ajo që ka rëndësi është të çohesh dhe të provosh përsëri.
Faleminderit. Mirënjohja është thelbësore në jetë dhe prindërit duhet ta mësojnë atë. Si? Thjesht duke i mësuar fjalën: faleminderit. Nëse japim një shembull të mirë, edhe fëmija ynë së shpejti do të mësojë ta thotë atë.
Falja. Mund të ndodhë që të gjithë të kryejnë një veprim që nuk duhet të bëhet. Të harrosh diçka të rëndësishme, të humbasësh durimin, të mos përmbushësh pritjet etj. Pasi ia kemi bërë të qartë fëmijës tonë se ai bëri një gabim në kryerjen e një veprimi, ne gjithashtu do duhet ta mësojmë atë që të fal pavarësisht gjithçkaje, në këtë mënyrë ai vetë do të mësojë të falë të tjerët, atëherë kur është e nevojshme.
Kërkoni falje. Pranimi se keni gabuar është një akt themelor. Kjo do t’i tregojë fëmijës tuaj se ju jeni njeri dhe si i tillë mund të gaboni. Të kërkoni falje kur gaboni është një hap i shkëlqyeshëm për të pranuar gabimin dhe për të vazhduar më tej.
Të dua, të dua. Është e rëndësishme ta përsërisni këtë sepse do të forcojë lidhjen tuaj me ta dhe do të rrisë vetëvlerësimin e tyre. Të ndjehesh i dashur është hapi i parë drejt një vetëvlerësimi adekuat.
Më mungove. Pasi të jenë larguar, mbase për një ditë, tregojini fëmijës tuaj se pavarësisht nga distanca keni menduar për të dhe ju ka munguar. Kjo do ta lejojë atë të dijë që edhe nëse nuk e kaloni gjithë ditën së bashku ai është gjithmonë në qendër të mendimeve tuaja.
Jam krenar për ty. Kjo fjali do t’i bëjë ata të sigurt në vetvete. Kur ata e kryejnë mirë një detyrë, ata angazhohen për ta përsëritur, në mënyrë që ju të krenoheni që jeni nëna ose babai i tyre.
Po të dëgjoj. Jo vetëm me fjalë, por edhe me vepra do të duhet t’i kushtojmë vëmendje asaj që fëmijët tanë na thonë sepse përveç që të jemi në gjendje t’i njohim më mirë ne do t’u krijojmë atyre siguri dhe vetëvlerësim.
Kjo është përgjegjësia juaj. Për të fuqizuar fëmijët tanë, ne duhet të jemi ata që u ofrojmë atyre mjetet e duhura për ta bërë këtë. Përveç besimit tek ata, sepse i konsiderojmë të aftë, duhet t’i bëjmë të kuptojnë se çdo veprim i tyre korrespondon me një pasojë. Kjo do t’i ndihmojë ata në procesin e rritjes.
Detyra e prindërve është thelbësore për të rritur fëmijë që nesër do të jenë të rritur të shëndetshëm dhe të ekuilibruar.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
