*Alberto Pellai, mjek psikoterapeut i moshës së zhvillimit, studiues në Departamentin e Shkencave Bio-Mjekësore të Universitetit të Milanos
Frika na bllokon. Na ngrin dhe na largon nga jeta për të cilën kemi të drejtë. Mund të kemi frikë nga gjithçka. Nga një merimangë, edhe nëse është pafundësisht më e vogël se ne dhe duhet të jetë ajo që na frikëson. Nga një aeroplan, edhe nëse është mënyra më e sigurt për të udhëtuar. Nga një provim, i cili ndonjëherë është vetëm një pengesë për të kapërcyer dhe për të lëvizur nga pika jonë e nisjes drejt finishit.
Në rrënjën e frikërave tona nuk ekziston kurrë objekti që i shkakton ato. Por mënyra jonë e të menduarit për atë objekt. Frika është një prag dere. Mund të vendosim të mos i afrohemi kurrë. Ajo do të vazhdojë të na pengojë të qasemi në atë që hap. Gjithashtu mund të vendosim ta hapim atë derë dhe të kalojmë nëpër të dhe të shohim se çfarë qëndron përtej. Duke kaluar diçka për ta lënë pas.
Rruga që çon drejt guximit është këtu. Dhe ndonjëherë pengohet nga një derë e padukshme, e mbyllur brenda mendjes sonë. Askush, jashtë nesh, nuk e ka çelësin ta hapë. Sepse ne jemi ai çelësi.
Frika është një nga katër emocionet e përballura në manualin e ri të edukimit emocional “Ndriçimi i errët, mbizotërimi i vullkanit” që botuam me Mondadori ed. Ka tre javë që është në bibliotekë. Është një manual vetë-ndihmës, ideuar se duke mësuar të dimë se si funksionon mendja jonë, çfarë roli kanë emocionet në jetën tonë dhe se si mund të mësojmë të kalojmë, t’i pranojmë. Është një libër që përdor qasjen psiko-edukative për të nxitur vetëdijen emocionale. Nëse njihni dikë që ngec në një dimension të jetës sepse nuk di të kalojë nga dera e frikës së tij, ndajeni këtë postim me të. Mesazhi mund të jetë i dobishëm edhe për shumë adoleshentë, të cilët në këtë kohë përpjekje, ndjehen të mbërthyer nga një ankth / frikë që shpesh luftojnë për ta emërtuar.
Përgatiti Orjona Tresa / Burimi blogu i autorit
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
