Një sërë shtetesh pezulluan përdorimin e vaksinës AstraZeneca, pas frikës në rritje se ajo shkakton mpiksje të gjakut. Më shumë se gjysma e vendeve të BE kanë pezulluar përdorimin e AstraZeneca-s, duke përfshirë Francën, Gjermaninë dhe Suedinë.
Trombozat po kryesojnë sa i takon shkaqeve të vdekjeve në Britaninë e Madhe, raporton “The Sun” që tregon edhe disa nga shenjat dhe simptomat e hershme të sëmundjes, të cilat duhen njohur për trajtimin në kohë. Tromboza e venave të thella ndodh kur një mpiksje gjaku formohet në një nga venat e thella të trupit tuaj, zakonisht në këmbë.
Shenjat dhe simptomat për trombozat e venave të thella përfshijnë:
- Ënjtje, zakonisht në njërën këmbë (ose krah)
- Dhimbje në këmbë ose forcim i gjoksit
- Ngjyra e lëkurës (në zonën e prekur mund të ketë një ngjyrë kaltëroshe ose të kuqërremtë)
- Këmba dhe krahu janë të ngrohtë kur i prek
Kur kemi bllokim të njërës prej arterieve në mushkri shkaktohet embolia pulmonare, që vjen në shumicën e rasteve kur një mpiksje gjaku udhëton nga venat e thella në mushkri.
Shenjat dhe simptomat e Embolisë pulomonare
- Gulçime të papritura
- Dhimbje gjoksi therëse, që mund të përkeqësohet me frymëmarrjet e thella
- Rrahje të shpeshta të zemrës
- Kollë e pashpjegueshme, që ndonjëherë shoqërohet me mukus dhe gjakderdhje
Një gjendje tjetër e mpiksjes së gjakut është trombocitopenia, e cila ndodh nga prania e paktë e trombociteve, pra rënia e numrit të pllakëzave të gjakut, saqë mund të ndodhë një hemorragji e brendshme.
Shenjat dhe simptomat për trombocitopeninë
- Mavijosje të lehta ose të tepruara
- Gjakderdhje në sipërfaqen e lëkurës që shfaqet përmes njollave të kuqe ose ngjyrë mavi, zakonisht në pjesën e poshtme të këmbëve
- Gjakderdhje e zgjatur nga prerjet
- Gjakderdhje nga mishrat e dhëmbëve ose hundë
- Gjak në urinë ose jashtëqitje
- Gjakderdhje të pazakonta menstruale
- Lodhje
- Zmadhim i shpretkës
Mpiksja e gjakut ka më të ngjarë të ndodhë kur:
- Jeni mbi 60 vjeç
- Jeni mbi peshë
- Konsumoni cigare
- Keni një të kaluar me mpiksje gjaku
- Merrni pilula kontraceptive
- Keni kancer ose probleme me zemrën
- Keni vena varikoze
Burimi / Panorama Online
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
