Mirëqenie

November 1, 2018 | 14:35

Frutat që duhet të konsumoni për të mbajtur sëmundjet larg

Dimri është shumë pranë dhe bashkë me të vijnë një sërë sëmundjesh dhe virozash. Prandaj për t’u mbrojtur prej tyre është e këshillueshme që të konsumoni sa më shumë fruta të stinës.

Më poshtë ne do të rendisim një listë me fruta, të cilat ju duhet t’i konsumoni me patjetër.

Portokallet

Lërini mënjanë lëngjet dhe preferoni portokaj të plotë—do të merrni më pak sheqer dhe më shumë fibra, së bashku me vitaminën C, thelbësore për rritjen e imunitetit. Një portokall dhe disa fistikë sigurojnë një vakt të përkryer, të balancuar dhe të bollshme në nutrientë. Një portokall mesatar përmban 62 cal, 0 gr yndyra, 15 gr karbohidrate, 12 gr sheqer, 0 mg sodium, 3 gr fibra, 1 gr proteina.

Dardhat

Dardhat e freskëta janë një burim i madh fibrash (edhe më shumë se mollët), që ju mbajnë të ngopur dhe e kanë sezonin e tyre nga gushti deri në pranverën e hershme. Një dardhë mesatare përmban 84 cal, 0 gr yndyra, 23 gr karbohidrate, 14 gr sheqer, 1 mg sodium, 5 gr fibra, 0 gr proteina.

Boronicat e kuqe

Boronicat e kuqe kanë përfitime shëndetësore të panumërta, mes tyre uljen e nivelit të kolesterolit dhe një rrezik më të reduktuar të sëmundjeve koronare, diabetit dhe inflamacionit. E kanë sezonin nga tetori në dhjetor. 1 kupë boronica të kuqe përmban: 46 cal, 0 gr yndyra, 12 gr karbohidrate, 4 gr sheqer, 2 mg sodium, 4 gr fibra, 0 gr proteina.

Shegët

Shegët mund të ofrojnë një dozë të shëndetshme antioksidantësh, të cilët mund të mbrojnë trupin tuaj nga dëmtimi i radikaleve të lira që lidhet me shenjat e plakjes dhe sëmundjeve të ndryshme. Frutat e dimrit janë të pasura gjithashtu në fibra dhe kalium. Shegët e kanë sezonin nga tetori deri në janar. ½ kupe me kokrra shege përmban: 72 cal, 1 gr yndyrë, 16 gr karbohidrate, 12 gr sheqer, 3 mg sodium, 4 gr fibra, 1 gr proteina.

Hurmat e qullëta

Këto fruta të shijshme janë plot vitamina e minerale dhe sjellin një mori përfitimesh shëndetësore. Ato kanë një nivel të lartë të antioksidantëve, sipas gazetës Advances in Horticultural Science  dhe ndihmojnë në uljen e riskut të sëmundjeve kardiovaskulare. E kanë sezonin nga tetori deri në janar ose shkurt. Një hurmë mesatare përmban: 118 cal, 0 gr yndyrë, 31 gr karbohidrate, 21 gr sheqer, 2 mg sodium, 6 gr fibra, 1 gr proteina.

Mandarinat

Mandarinat kanë të njëjtat benefite si portokallet, por këto fruta të vogla, janë më të përshtatshme për t’u marrë me vete dhe për t’u qëruar shpejt e shpejt. E kanë sezonin nga nëntori deri në shkurt. Një mandarinë mesatare përmban: 35 cal, 0 gr yndyra, 9 gr karbohidrate, 7 gr sheqer, 1 mg sodium, 1 gr fibra, 1 gr proteina.

Qitrot

Qitrot janë shumë të pasura në nutrientë si vitaminat A dhe C, glikopeni, fibrat—një agrum i shkëlqyer që mund të zëvendësojë portokallet. Megjithatë, këshillohuni me mjekun tuaj për konsumin e tyre nëse po merrni antibiotikë ose ndonjë mjekim tjetër, për shkak të një komponenti tek qitrot që interferon me medikamente të caktuara.

E kanë sezonin nga janari deri në maj. 1 qitro përmban: 103 cal, 0.3 gr yndyra, 26 gr karbohidrate, 19 gr sheqer, 0 mg sodim, 4 gr fibra, 2 gr proteina.

 

Burimi / gsh.al

To Top

Powered by themekiller.com anime4online.com animextoon.com apk4phone.com tengag.com moviekillers.com