Ju e dini, të thuash “jo” ndihmon fëmijët të rriten, por vetëm nëse dini të thoni “po” kur është e nevojshme!
Miratimi i një sistemi të mirë arsimor i përbërë nga rregulla, vëmendje dhe jo vetëm ndalesa, do të thotë të ndihmoni fëmijët tuaj të zhvillojnë autonomi, vetëbesim dhe aftësi për t’u lidhur me të tjerët. Qasja më e mirë që mund të kultivojnë prindërit është ajo e edukimit emocional.
Për çfarë kanë vërtetë nevojë fëmijët?
- Rregulla
- Ndjeshmëri
- Lojë
- Dialog
Ne e kemi thënë tashmë, rregullat janë thelbësore për rritjen e fëmijëve të qetë dhe paqësorë dhe kjo konfirmohet edhe nga shkenca. Siç tregohet nga studime të ndryshme të kryera me pajisje diagnostikuese të imazhit (Tac dhe Pet), sjelljet autoritare (dhe jo autoritare) të bazuara në rregulla dhe ndalime janë të mira për trurin, i cili funksionon më mirë duke prodhuar qetësi dhe mirëqenie (serotonin, dopamin , oksitocin).
Në fakt, doli që tek fëmijët e rritur pa rregulla ndriçohen lobet frontale të trurit, ato që janë përgjegjëse për prodhimin e kortizolit, që është hormoni i stresit dhe ankthit. Empatia gjithashtu luan një rol të madh në rritjen e fëmijëve. Aftësia për të akorduar dhe ndier emocionet e fëmijëve nuk duhet të dështojë kurrë për një prind. Kjo nuk do të thotë ta mbështesë atë sa herë që zemërohet, përkundrazi.
Para fëmijës, kurrë nuk duhet ta humbisni durimin tuaj, edhe nëse është e vështirë, por vendosni veten në këpucët e fëmijës, duke u përpjekur të kuptoni zemërimin e tij dhe pastaj ta përmbysni atë. Nëse, për shembull, gota e tij e preferuar është në pjatalarëse dhe ai bërtet për të, është gabim të nxitosh për ta marrë atë, por është e dobishme të ndash me të pikëllimin që nuk është aty gota e tij, gjithashtu duke theksuar se është gabim të bërtasësh dhe se për pak kohë mund të përdorë një gotë tjetër.
Është po aq e rëndësishme të kalosh kohë me fëmijët, sidomos duke luajtur së bashku. Nëpërmjet lojës, prindërit dhe fëmijët zhvillojnë aftësi emocionale. Në parashkollor, për shembull, lojërat me role janë interesante, leximi (leximi para gjumit është gjithashtu shumë i dobishëm për të kombinuar gjumin dhe për të krijuar një rutinë) si dhe vizatimet.
Dialogu është një përbërës kyç për të ndihmuar fëmijët të rriten. Ju gjithmonë duhet të flisni me fëmijët, madje edhe për atë që është e gabuar. Në këtë mënyrë ai mësohet të njohë emocionet, t’u japë atyre një emër dhe ky “trajnim” do t’i shërbejë edhe kur ai të jetë i rritur dhe të ndërtojë marrëdhënie ndërpersonale. Ato janë zakone të vogla që janë të mira për fëmijët, por janë gjithashtu të mira për të rriturit.
Përgatiti: Brikela Daci | Burimi / www.theyummymom.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
