Prindërit dhe fëmijët e shohin botën dhe e përftojnë atë në mënyra krejt të ndryshme. Shijet janë krejtësisht të kundërta. Ato që për të rriturit duken të bukura, te fëmijët, nuk ndodh i njëjti efekt.
Nga Lira Gjika
Fëmija pëlqen një gjë, që i vë mendjen në punë, që i nxit kureshtjen, që e nxit të lëvizë si me trup, po ashtu edhe me mendje. Kështu, mjediset e fëmijëve, nuk duhen organizuar me shijet e të rriturve. Të rriturit kërkojnë qetësi, ndërsa fëmijët kërkojnë lëvizjen. P.sh, vizatimet në muret e dhomave të fëmijëve, apo mjedise fëmijësh, u bëjnë më shumë dëm, sesa i kënaqin, pasi ato nuk ndryshojnë.
Fëmijët kërkojnë gjithmonë diçka të re për të njohur e zbuluar, po u ofruam gjëra të pandryshueshme, është si të biesh ndesh me fiziologjinë e fëmijës, që është gjithë kohën në lëvizje dhe në transformim. Po ju ofruan gjëra fikse, fantazia e tyre do të ngurtësohet dhe nuk do të arrijë atë zhdërvjelltësi, që i duhet për të vënë mendjen në punë, që nesër të jetë një i rritur, i zoti dhe dinjitoz dhe jo një njeri i vjetëruar.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
