A e dinit se ka disa objekte që është më mirë të mos i mbani në dhomën e gjumit? Ka disa “limite” që jo gjithmonë i respektojmë.
Harmonia e një dhome, madje e të gjithë shtëpisë, ndërtohet me kujdes përmes detajeve. Shumë prej tyre kalojnë pa u vënë re nga ana jonë.
Për të pasur një dhomë gjumi ku të ndjeheni shëndetshëm dhe komod është e rëndësishme të pushoni mirë, dhe të vendosni disa parime. Pjesa më e madhe e tyre kanë të bëjnë me energjinë tonë dhe shëndetin mendor.
Ekspertët rekomandojnë që lulet nuk duhen në dhomën e gjumit, përveç faktit se thahen shpejt për shkak të dhomës së mbyllur, mbajnë pluhur dhe dëmtojnë ata që vuajnë nga alergjitë. Ndërsa Feng Shui thotë se stimulojnë pabesinë dhe tradhtinë
Portokallia, e kuqja apo e verdha përfaqësojnë energjinë e zjarrit ndryshe nga pushimi që kërkojmë në dhomën e gjumit. Rekomandohen më shumë ngjyrat kafe, çokollatë apo okër.
Një dollap i çrregullt nuk i shërben askujt, për më tepër ju streson më shumë. Vendimi për të hequr gjithçka që nuk ju duhet, sjell një shëndet të mirë mendor, dhe rregull në dhomë.
Pasqyrat janë element që reflektojnë energji. Për pasojë gjatë natës kjo energji kalon nga trupi jonë tek pasqyra dhe anasjellas.
Shumë prej nesh shfrytëzojnë hapësirën poshtë krevatit për të vendosur kuti këpucësh apo diçka tjetër. Shmangeni këtë pasi bllokon qarkullimin e ajrit, dhe nuk bëni gjumë të rehatshëm.
Burimi / TopChannel
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
