Një gjest human që reflekton shumë mbi nevojën, gatishmërinë, përuljen dhe dashurinë që na nevojitet në kohërat e “kolerës” Covid-19. Disa infermierë brazilianë patën një ide gjeniale për t’i dhënë mbështetje pacientëve të izoluar në repart për shkak të Covid-19.
Dy doreza njëpërdorimshme të mbushura me ujë të nxehtë dhe të lidhura, për të simuluar një kontakt të pamundur njerëzor për shkak të izolimit në struktura. Ideja i paraprin pandemisë, por është përhapur gjerësisht me ndalimin e të qenit pranë pacientëve të sëmurë rëndë me Covid.
“E bëra këtë dorezë me ujë të nxehtë, – shkroi infermierja braziliane Lidiane Melo në Facebook, – për të përmirësuar perfuzionin e pacientëve të mi dhe për të parë më mirë saturimin e tyre: shpresoj gjithashtu që pacienti të ketë ndjenjën se dikush po e mban për dore”.
Foto: Enfermagem MUDOU MINHA VIDA/Lidiane Melo/Facebook
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.