Shumicën e kohës, të gjithë pasqyrojmë mënyrën se si na mësonin dhe mënyrën se si jemi rritur në shtëpi nëpërmjet sjelljeve tona. Pjesën më të madhe të jetës sonë të mëparshme e kaluam me prindërit tanë dhe këshillat, sjellja dhe shembujt e tyre bëhen për jetën tonë, udhëzimet tona kur fillojmë të jetojmë vetëm.
Në veçanti, të gjithë ndajmë një lidhje të veçantë me nënën dhe kur rritesh nga një nënë e fortë dhe e dashur, bëhesh edhe një grua e fortë. Kur një grua e fortë të ka rritur, ti e di se jeta është ajo që bën prej saj. Duke vëzhguar se si i trajtonte gjërat nëna jote dhe si e trajtonte jetën, do ta dish se ajo është gjithçka në lidhje me atë që del prej saj. Askush nga ne nuk trashëgon jetë pa probleme. Edhe njerëzit më të pasur kanë problemet e tyre. Por duke parë se si i trajtoi nëna jonë gjërat, do ta dije se nëse merr vendimin e duhur në kohën e duhur dhe nëse sillesh në mënyrën e duhur në kohën e duhur, jeta jote nuk do të jetë katastrofë.
Ti di si të mbrosh veten dhe si të mbrosh gjërat që me të drejtë janë të tuat. Do të jeni mjaft të guximshëm për të arritur ëndrrat tuaja në vend që të prisni që gjërat të ndodhin dhe kundër të gjitha gjasave, ju do të vendosnit një mision për të arritur qëllimet tuaja jetësore.
Kur je rritur nga një nënë e fortë, kupton rëndësinë e respektit për veten
Kur je rritur nga një grua e fortë, e di vlerën e respektit për veten. Do ta dish se duhet ta duash veten para se të presësh që të tjerët të të duan. Do të mësosh kur të heshtësh dhe kur të ngresh zërin. Nuk do t’i lejosh të tjerët të qeshin me ty, sepse i njeh potencialet e tua të vërteta dhe çfarë je në gjendje të bësh. Nëna të mësoi domethënien e dashurisë së vërtetë dhe do të dish si ta trajtosh veten dhe të tjerët, bazuar në respektin dhe dinjitetin. Do të dini se të qarët nuk është shenjë dobësie dhe madje edhe njerëzit më të vendosur kanë pasur momentet e tyre të rënies.
Kur je rritur nga një nënë e fortë, e di sa e rëndësishme është të besosh tek vetja
Do të dini se dështimet, zhgënjimet dhe lëndimet do të jenë aty gjatë rrugës, por ajo që është gjithmonë e rëndësishme është të ngriheni sa herë që rrëzoheni. Sa herë që të rrëzohesh, do të kesh forcën për t’u kthyer në rrugën e duhur. Nëna do të jetë gjithmonë modeli yt dhe shembujt e saj do të të ndihmojnë të zgjidhësh edhe problemet që has në jetën tënde.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
