Psikofakt

December 9, 2020 | 8:20

Gratë që admirohen nuk janë ato që imagjinoni!

Nga Esmeralda Birçaj, eksperte e shëndetit mendor

 

Në botën moderne, gruaja që admirojnë më shumë njerëzit është ajo që ka arritur të ndërtojë një trup, që është e bukur, që lyhet bukur, që ka flokë mbresëlënëse. Pamja i jep gruas epërsi dhe pranim. Ok, kjo është e kuptueshme, por nuk më mbulon mua. Ka shumë vajza me formë, por ato që bien në sy janë ato që nuk bëjnë shumë “zhurmë”.

baylor-university-spring-senior-photosGratë që admiroj janë ato që zgjohen në mëngjes që t’i arrijnë të gjitha, sepse e dinë që nuk kanë zgjidhje. Gratë para të cilave përkulem janë ato që kanë guxim të rrisin fëmijët e tyre vetëm sepse kështu e solli jeta.

Gratë që adhuroj janë ato që kanë luftuar ose po luftojnë me sëmundje të tilla si tiroidizmi, depresioni, çrregullimet e të ngrënit apo edhe më keq, kanceri. Janë ato që, pavarësisht nga vështirësitë, nuk humbasin oreksin e tyre për jetën dhe forcën. Ose kur e humbin, e gjejnë përsëri.

Gratë që gjithmonë do të respektoj janë ato që u desh të trajtojnë dikë (babanë, nënën, vëllain, burrin) dhe e bënë këtë me gjithë dashurinë dhe ëmbëlsinë që kishin brenda.

Gratë që vlerësoj janë ato që kanë përjetuar abuzim seksual ose verbal dhe megjithatë kanë arritur të qëndrojnë me kokën lart. Me vështirësi, por ato patën sukses.

Gratë që për mendimin tim nuk janë të krahasueshme me të tjerat janë ato që hapën librat, që punuan mendjet e tyre që u bënë shkencëtare ose ndonjë gjë përmes së cilës ato mund t’i ofronin shoqërisë në tërësi.

Gratë që gjithmonë do të kenë një vend të veçantë në zemrën time janë ato që për shkak të rrethanave kurrë nuk arritën të arsimohen dhe punuan në punë që nuk konsiderohen më të mirat (për shembull pastrueset), por ato e bënë atë me kokën lart dhe janë shumë më të vlefshme sesa shumë prej nesh.

Gratë që u ngacmuan (e ashtuquajtura bulling) nga “ngacmuesit” në shkollë ose diku tjetër, dhe nuk u dorëzuan. U përkulën, por u ngritën më të forta dhe kjo më magjeps.

Dhe në mbylljen e grave që veçoj janë ato që përpiqen të ndryshojnë veten për mirë. Ato punojnë nga brenda dhe jashtë. Ato përpiqen të bëhen një version më i mirë i vetvetes dhe përmes të cilës ta bëjnë botën një vend më të mirë. Sa më shumë që të jetë e mundur. Sikur edhe për pak.

Këto gra kanë një vlerë unike për mua. Për shkak se ato punojnë shumë, kanë sukses dhe në fund të ditës ato janë heronjtë e padukshëm të një bote që brohorasin për trupin e bukur, pamjen e bukur dhe karrierën e shkëlqyer. Kjo është një padrejtësi e madhe. Por ato e pranojnë atë me dinjitet. Sepse ato e dinë. Sepse ato shohin. Se në fund të fundit vlera e vërtetë për njeriun nuk është ajo që shumë i thonë, as ajo çfarë besojnë rreth tij për të.

Vlera reale e njeriut është ajo që ai bën dhe ajo çfarë ai është. Dhe kur ajo që bën një grua është joshëse, sytë e saj shkëlqejnë. Por fatkeqësisht, tashmë shumë pak njerëz i shikojnë gratë në sy.

Apo jo shoqet e mia?

Guxim dhe forcë të mirë për të gjitha ato gra që ndryshojnë për mirë në një botë që të frikëson, por që ato duken të patrembura…!

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top