Shpesh frika për të mbetur beqare gjithë jetën, për të mos pasur një marrëdhënie të qëndrueshme dhe për të mos gjetur dikë që kujdeset për to, bën që disa gra të kënaqen me burrin e parë që kalon për të mos qenë vetëm.
Por pse femrat zakonisht kanë më shumë frikë nga të qenit vetëm sesa meshkujt? Ku të çon me çdo kusht ky ankth për të pasur dikë në krah?Shqetësimi për të mos pasur një burrë lind në thellësi të psikikës dhe ka të bëjë me lidhjen, kjo është tendenca e natyrshme në ADN-në tonë që na shtyn të krijojmë marrëdhënie të rëndësishme emocionale, fillimisht me nënën dhe babanë, më pas me figura të tjera .
Të gjithë, dikush më shumë e dikush më pak, i frikësohen shkëputjes dhe ne kapemi nga ankthi që nuk ia dalim pa dikë të afërt, por për disa gra frika e të qenit vetëm merr konotacione shumë të mëdha.
Femrat që kanë nevojë për konfirmim
Shpesh mendohet se të kesh një lidhje e bën një person të ndihet i njohur, i rëndësishëm dhe i dashur: është e gjitha e vërtetë për sa kohë që është një histori e shëndetshme , e ndërtuar mbi baza të forta ku tjetra përfaqëson një vlerë të shtuar dhe jo aty ku ajo zëvendëson boshllëqet tona.
Ndonjëherë femrat që kanë frikë nga të qenit vetëm, kënaqen me lidhje të gabuara , të cilat nuk i kënaqin plotësisht dhe me njerëz që i përdorin dhe i dëmtojnë duke hequr dorë nga vetja dhe e gjithë kjo për të mos mbetur beqare.
Nëpërmjet këtyre marrëdhënieve ata mendojnë se mund të fshijnë ndjenjën e vetmisë që i mundon, frikën e braktisjes dhe refuzimit., dhe ndjenja e të qenit të papërshtatshëm sepse janë të bindur se një mashkull mund t’i shpëtojë.
Në këtë mënyrë, krijohet vetëm një varësi emocionale e cila nuk ndihmon për t’u rritur dhe për t’u ndjerë mirë.
Burimi/Amando.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
