Gwyneth Paltrow mbush 50 vjeç. Jo çdo ditëlindje, por një moment historik, siç shkruan ajo në mbishkrimin ngjitur me fotografinë e fundit me bikini të shpërndarë në Instagram: “Reflections on a Milestone”. Një objektiv i arritur në formë të shkëlqyer fizike dhe psikike. Aktore fituese e çmimit Oskar, sipërmarrëse e suksesshme, nënë dhe bashkëshorte, por mbi të gjitha një grua, e vetëdijshme dhe e kënaqur me rrugën e deritanishme.
Në një reflektim të gjatë të publikuar në faqen e internetit të markës së saj të suksesshme “Goop”, Paltrow rrëfen 50 vitet e para, mes kujtimeve të lidhura me prindërit e saj dhe gabimeve të bëra. Me një vetëdije mbi të gjitha: vetëpranim.
“Pranoj. I pranoj shenjat dhe lëkurën e lirshme, rrudhat. Unë e pranoj trupin tim dhe e lëshoj nevojën për të qenë perfekt, për t’u dukur perfekt, për të sfiduar gravitetin, për të sfiduar logjikën, për të sfiduar njerëzimin. Unë e pranoj humanitetin tim …”, shkruan aktorja.
Ylli, në çmimin Oscar dhe Golden Globe 1999 për aktoren më të mirë për filmin ‘Shakespeare in Love’, vazhdon duke shpjeguar se ajo bën gjithçka që mundet për të qenë e shëndetshme dhe për të pasur jetëgjatësi, për të parandaluar relaksimin e muskujve dhe dobësimin e kockave.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
