Femrat që pësojnë dhunë reagojnë në mënyrë të ndryshme ndaj keqtrajtimit, por të gjitha e njohin dhimbjen nga izolimi apo indiferenca sociale, të cilat prej kohësh e shoqërojnë këtë fenomen. Njohja e pasojave të dhunës ndihmon për ta luftuar atë dhe për të kuptuar se përse viktimat sillen apo reagojnë në një mënyrë të caktuar: mohojnë problemin, durojnë grushtet për hir të “dashurisë”, mendojnë se dhunuesi mund të ndryshojë, ndihen të domosdoshme, besojnë se po shpëtojnë martesën.
Hapat për t’iu larguar dhunës:
• Duhet të pranoni se po përjetoni një situatë dhune
• Duhet të kuptoni se dhuna nuk justifikohet
• Duhet të pranoni dhe të jeni të vetëdijshme se sa keq
ndiheni
• Duhet të kuptoni se personi që dhunohet nuk është
asnjëherë përgjegjës për dhunën e marrë
• Duhet të mposhtni frikën dhe turpin se mos ju gjykojnë
• Duhet të kuptoni se, duke folur për problemin, është
mënyra më e mirë për t’ia dalë mbanë
• Duhet t’u drejtoheni shoqatave kundër dhunës dhe
autoriteteve përkatëse
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
