Kur shikojmë vitrinën e një dyqani luksoz, shpesh vëmë re më shumë hapësirë boshe sesa artikujt për shitje. Kjo hapësirë boshe, e quajtur hapësira e bardhë, përcjell harmoni dhe bukuri, duke na lejuar të përqendrojmë vëmendjen në një objekt të vetëm.
Hapësira e bardhë: nga dizajni në jetën e përditshme
Ky koncept nuk është i kufizuar në dizajn: në jetën tonë të përditshme, ne kemi nevojë për hapësirë të bardhë personale për të reflektuar, relaksuar dhe rimbushur. Hapësira e bardhë nuk është koha për listat e detyrave, kompjuterët, telefonatat, emailet apo takimet. Është një moment reflektimi për të ndaluar dhe defragmentuar . Momente të shkurtra të hapësirës së bardhë, si të shkuarit pa celular , të ecni ose të merrni frymë thellë, sjellin ekuilibër në jetën tonë.
Pse na tremb mërzitja?
Megjithatë, ideja për të qenë të mërzitur na tmerron. Të qenit vetëm me mendimet tona na shqetëson, aq sa, sipas një studimi të botuar në revistën Science , njerëzit preferojnë goditje të vogla elektrike sesa të jenë vetëm me mendimet e tyre. Këtu janë tre ide për t’i vënë në praktikë!
1.Vendoseni veten në modalitetin e aeroplanit
Provoni ta vendosni telefonin në modalitetin e aeroplanit për disa orë gjatë ditës ose kushtojini të paktën gjysmën e ditës së festës për të fikur të gjitha pajisjet elektronike.
2.Praktikoni vëmendjen
Përkushtojuni meditimit ose praktikimit të vëmendjes. Edhe vetëm gjashtë minuta ju ndihmojnë të relaksoheni dhe të rimbusheni.
3.Kapeni momentin
Dedikoni një ditë të pushimit tuaj pa planifikuar asgjë paraprakisht. Ndiqni instinktet tuaja dhe bëni atë që ju duket e duhur në këtë moment: provoni një restorant të ri (pa shikuar komentet), ose thjesht uluni në një kafene dhe vëzhgoni botën përreth jush.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
