Kur Dukesha e Kembrixhit qëndroi në këmbë në Lindo Wing me djalin e saj të sapolindur, muajin e kaluar, paraqitja e saj e përsosur dhe qëndrimi në këmbë tërhoqën vëmendjen e publikut.
Pamja në fytyrën e saj ishte shumë më interesante. Pak orë pas lindjes, ajo dukej e qetë, e shëndetshme dhe e gëzuar – ashtu siç ishte pas lindjes së dy fëmijëve të saj të tjerë.
Kjo çoi në spekulime të forta mbi ‘truket’ që bënin që ajo të dukej aq e qetë dhe e lumtur brenda pak orëve që nga momenti i lindjes, një përvojë kjo që shpesh konsiderohet si një përvojë e hidhur.
Asnjë make-up artist nuk mund të kishte falsifikuar atë shkëlqim të lumtur apo dritën në sytë e saj. Në vend të kësaj, unë mendoj se për Kate, lindja është diçka që ajo e gëzon. Kam ndjerë të njëjtën gjë duke lindur tre fëmijët e mi.
Kur një nënë ka një përvojë pozitive në lindje, ne synojmë ta fshehim këtë fat. Por unë – dhe disa gra si unë – mendoj se ka më shumë se kaq. Është e rëndësishme të ndani këtë histori.
Isha me fat që kisha dy mikesha, fytyrat e të cilave u ndriçuan kur flisnin për foshnjat e tyre dhe ishte dija e tyre që më bëri të kuptoj se kishte një mënyrë tjetër.
Kishte momente kur shqetësohesha se si do ta përballoja. Gjatë shtatzënisë time të parë, një periudhë e keqe për shtatë muaj ishte e mjaftueshme për të më bërë histerike. Por kur erdhi koha dhe filluan kontraktimet e mia, frika nuk ishte më. E dija se çfarë po ndodhte.
Mbaj mend se më herët lava dyshemenë e kuzhinës me nënën time në. Shkova për një shëtitje me bashkëshortin tim Danny. Dhe në fund, mesditën e së mërkurës, pasi kisha kontraktimet e mia të hënën, e ndjeva këtë ndryshim të madh. Tani nuk kishte zgjidhje veçse të mbyllja sytë dhe të merrja frymë.
Siç ishte planifikuar, ne u drejtuam për Qendrën e Lindjes Edgware. Me të mbërritur, u rehatova në hapësirën time, një pishinë e mbushur për lindje dhe qëndrova e qetë në mënyrë që të mund të përqendrohesha. Kur kujdesen siç duhet, lindja nuk duket si diçka e frikshme apo e gabuar.
Shumë gra janë bërë të ndihen si paciente pasivë. Lindja në një mjedis të panjohur mund të çojë në ndjenjat e pafuqisë dhe ta bëjë lindjen të duket më e vështirë. Ajo drejtohet nga e njëjta pjesë e trurit, si gjumi, hipotalamusi, prandaj vetëm duhet të qetësoheni dhe të lejoni trupin tuaj ta marrë përsipër.
Nuk kaloi shumë kohë dhe vajza jonë, Constance, lindi. Ishte një eksperiencë fuqizuese që më detyroi të kaloj nga gazetaria për t’u bërë një mësuese aktive e lindjeve.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
