Vendi ynë do të përfshihet këtë javë nga temperaturat e larta, piku i të cilave pritet të shkojë deri 40 gradë celsius. Masat e nxehta dhe të thata ajrore vijnë nga Afrika e Veriut. Por si t’i përballojmë këto temperatura, duke ditur se ndikimi i tyre shkakton dehidratimin dhe goditje nga nxehtësia.
Kujdesi ndaj vapës
- Shmangni daljet nga shtëpia gjatë orëve të pikut të vapës
- Mbani freskët ambientin e shtëpisë (hapini dritaret në mëngjes herët dhe mbyllini gjatë periudhës kur është piku i vapës).
- Freskoni ambientin e shtëpisë me kondicioner dhe ventilator, jo më pak se 25°C.
- Nëse ju duhet të udhëtoni me makinë, freskoni makinën përpara se të hyni brenda.
- Konsumoni sa më shumë lëngje.
- Konsumoni sa më shumë fruta dhe perime të freskëta.
- Nëse ju duhet të konsumoni ushqime të marra me vete, mundohuni t’i mbani në vende të freskëta.
- Vishni veshje të lehta dhe të freskëta, merrni kapele, syze dielli dhe ujin me vete.
- Përdorni krem mbrojtës kundër rrezeve të diellit.
- Nëse jeni me mjekim, konsultohuni me mjekun tuaj.
- Medikamentet që përdorni, vendosini në ambiente të freskëta, frigorifer.
- Kujdesuni për higjienën tuaj, bëni banjë me temperaturë jo më pak se 25°C.
Burimi Instituti i Shëndetit Publik
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
