Mjeku, i dashuri i Dianës mes viteve 1995 dhe 1997, dha një intervistë të rrallë për të konfirmuar se si nëna e William dhe Harry u manipulua për të dhënë një intervistë për BBC në vitin 1995. “Një nga cilësitë e saj më tërheqëse ishte dobësia. Gazetari Martin Bashir e shfrytëzoi këtë”. Deri më tani, kirurgu nuk kishte folur kurrë për princeshën. “Të gjithë më shesin, Hasnat është i vetmi që nuk do të më shesë kurrë,” tha Diana.
Hasnat Khan ishte dashuria e fundit e madhe e Lady Diana. Përkundër asaj që mund të mendohet dikush princesha, e cila humbi jetën në vitin 1997 në një aksident tragjik automobilistik në Paris së bashku me Dodi Al-Fayed, e dashura për më shumë se dy vjet e Hasnat Khan, kardiokirurgun e zemrës, të turpshëm dhe të ndrojtur, të cilin ajo e kishte takuar rastësisht në vitin 1995. Ky njeri nuk ka kërkuar kurrë të jetë në qendër të vëmendjes, duke preferuar të mbetet në hije edhe pas vdekjes së Dianës. Sot, megjithatë, në një intervistë shumë të rrallë për Daily Mail ai vendosi të thyejë heshtjen për të mbrojtur ish-partneren e tij.
Siç tanimë e dimë, intervista e famshme e vitit 1995 me Martin Bashir e BBC është vënë në pikëpyetje për muaj të tërë. Ajo në të cilën Diana tha në TV drejtpërdrejt “martesa ime me Charles ka qenë gjithmonë shumë e ngarkuar”, duke e çuar mbretëreshën të japë divorcin dhe largimin e saj nga familja mbretërore. “Diana u manipulua” për ta dhënë atë intervistë, thuhet sot. BBC kërkoi falje dhe hapi një hetim, mbështetur gjithashtu nga Princi William. Dhe Hasnat Khan gjithashtu mbështet këtë tezë: “Gazetari i BBC-së ia mbushi kokën me mbeturina”, thotë mjeku, duke zbuluar se si William – atëherë një adoleshent – e kishte paralajmëruar nënën e tij: “Mami, ai njeri nuk është një person i mirë”.
Khan, i cili në kohën e marrëdhënies së tyre Diana e quajti ‘Mr Wonderful’, tani një kirurg konsulent 62-vjeçar në Spitalet e Universitetit Basildon dhe Thurrock në Essex, tha se ishte kontaktuar nga një njohje e përbashkët me Bashir disa javë më parë: ‘Ai më telefonoi dhe tha se ai e njihte Martin Bashirin, i cili ishte një njeri i mirë, por ishte shumë i dëshpëruar dhe kërkonte një favor për të më pyetur: të flisja me të.’ Arsyeja? “Mendoj se ideja ishte të më kërkonte të them diçka për Dianën dhe gatishmërinë për të bërë atë intervistë. Por nuk mund ta bëja. Një nga cilësitë më tërheqëse të Dianës ishte dobësia e saj. Ishte ajo që e bëri atë të dashur për publikun. Më vonë kuptova që Martin e identifikoi këtë dobësi dhe e shfrytëzoi atë. Ai ishte shumë bindës me Dianën. Ishte nga BBC, ishte i respektueshëm, por ia mbushi kokën me mbeturina, si ato gjëra për dadon Tiggy [Law-Bourke] shtatzënë me fëmijën e Charles,” shtoi Khan, me dëshirën për ta mbrojtur princeshën. Edhe njëherë.
Takimi i tyre i parë ishte i rastësishëm. Më 1 shtator të vitit 1995, Hasnat Khan hyri në dhomën e pritjes së Spitalit Royal Brompton për të paralajmëruar Oonagh Toffolo, një akupunkturist pranë princeshës, se ajo duhej ta vinte në shinja burrin e saj për të ndaluar një gjakderdhje. Oonagh e prezantoi me atë që sigurisht nuk ishte një vizitor “normal”, por mjeku e përshëndeti me një gjest të thjeshtë dhe menjëherë u largua. Ajo ndoshta kurrë nuk i kishte bërë përshtypje një personi, nga ana tjetër ai kishte goditur. “Oonagh, nuk është i bukur?” Tha princesha. “Dhe sa emër i bukur, Hasnat Khan”. Askush nuk e kishte prezantuar me të. “E lexova në këpucët e tij”.
Ai dhe Diana kaluan dy vite bashkë, por vështirë se dikush i ka parë ndonjëherë si çift. Ata u strehuan në Pallatin Kensington, të strehuar nga paparacët. Dhe nëse dilnin në Chelsea, lagjja e tij, ajo fshihej nën një paruke të errët dhe syze dielli. Në vitin 2013 Khan refuzoi të bashkëpunonte në realizimin e biopikut me Naomi Watts, Diana – The Secret Story of Lady D, duke e quajtur pjesën e historisë së tyre “të gjitha gënjeshtra”. Një mënyrë tjetër për ta mbrojtur atë. “Të gjithë më shesin”, i tha Diana një mikeshe në verën e vitit 1997, “Hasnat është i vetmi që nuk do të më shesë kurrë”.
Përgatiti Orjona Tresa / Burimi VanityFair
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
