Sipas një studimi, truri ynë përpunon aroma të ndryshme duke i përfaqësuar ato si një pikturë e kapur në një moment ose si një simfoni e cila është në zhvillim.
Era është një nga shqisat e para që është zhvilluar tek qeniet e gjalla. Ajo është e lidhur me hipokampusin, zona e trurit ku ndodhet kujtesa afatgjatë, e cila aktivizohet kur ka një stimul nuhatës, duke bërë që kujtesa e aromave të lidhura me një rrethanë të veçantë të rishfaqet nga nënndërgjegjja. Njohuritë dhe kujtesa e nuhatjes zhvillohen në vitet e para të jetës dhe kjo është thelbësore që truri në moshën madhore të dallojë aromat. Por si arrijmë të dallojmë informacionin që vjen nga hunda jonë në një fraksion sekonde?
Instituti i Neuroshkencës i Këshillit Kombëtar të Kërkimeve ka zbuluar mekanizmin e kodimit të aromave në tru. Sipas studiuesve, ai bazohet në formimin e hartave shqisore të trurit, të përcaktuara nga një rregullim i saktë hapësinor i neuroneve të nuhatjes të udhëhequr nga receptori i erës. Më saktësisht, këto neurone, përgjegjëse për perceptimin e një ere të caktuar, grupohen në zona të veçanta të llambës nuhatëse, zona e trurit që përpunon stimujt e kapur në indet e zgavrave të hundës përmes receptorëve të nuhatjes.
Sipas studiuesve, truri ynë përpunon aromën përmes strategjive të ndryshme, duke e përfaqësuar atë si një pikturë, një fotografi të aktivitetit qelizor të kapur në një moment, ose si një simfoni, një grup qelizash të ndryshme që punojnë së bashku për ta kapur atë.
Truri përfaqëson parfumin si një pikturë ose një simfoni
Sipas njërës prej këtyre strategjive, truri përpunon aromën si një pikturë ose si një fotografi në një moment të caktuar për të kapur karakteristikat e tij thelbësore. Sipas strategjisë tjetër, truri e përpunon atë si një simfoni, pasi akordohet me qelizat që ndizen dhe fiken gjatë stimulit të nuhatjes. Modeli matematik i zhvilluar nga studiuesit nxjerr në pah karakteristikat themelore të sistemit nervor, por edhe mënyrën se si këto funksionojnë së bashku për të ndihmuar trurin të përfaqësojë një erë.
Burimi www.today.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
