Momenti i prezantimit në familjen e tij shënon një hap të rëndësishëm në një histori dashurie. Këtu janë disa këshilla për ta jetuar atë me vetëdije më të madhe.
Kur të takoni prindërit e tij? Si të lini një përshtypje të mirë?
Historia juaj vazhdon prej pak kohësh, mes jush ka një ndjenjë të madhe dhe është konsoliduar mjaftueshëm deri në atë pikë sa ai të shpallë se “do t’ju prezantojë me prindërit e tij”. Këshillohet që biseda të mbahet e lehtë, më mirë nëse shoqërohet me një buzëqeshje. Pasi të kapërcejmë sikletin fillestar, le të përpiqemi të futemi pak më shumë në thelbin e situatës. Vëzhgimi i dinamikës familjare midis tij dhe pjesës tjetër të familjes mund të jetë një burim i vlefshëm informacioni për jetën tuaj të ardhshme në çift. Nëse ai është i kujdesshëm dhe i dashur ndaj nënës së tij, nëse ka bashkëpunim dhe ju duket se marrëdhënia e tyre është e shëndetshme, ka shumë mundësi që edhe ai të jetë i shëndetshëm me ju. Të vëzhgosh sesi i dashuri yt lidhet me anëtarët e familjes, të zbulosh se cila është shkalla e tyre e vlerave, çfarë e përfshin atë dhe çfarë e acaron, janë detaje për t’u vëzhguar dhe mbajtur parasysh, sepse ato mund t’ju ndihmojnë, një ditë, të kuptoni më mirë sjelljen e tij dhe reagimet e tij.
Gjithashtu duhet pasur parasysh se ndikimi i familjes në nivel psikologjik varet nga shkalla e emancipimit psikik individual të arritur nga personi, në aspektin e pjekurisë, autonomisë dhe pavarësisë. Konflikti do të jetë thuajse i pashmangshëm nëse njëri prej dy partnerëve është më i lidhur dhe i ndikuar nga familja e origjinës, ndërsa tjetri është i shkëputur prej saj, ndoshta do të jetojë vetëm dhe do të realizohet profesionalisht. Prandaj, për hir të suksesit të një marrëdhënieje, është e dëshirueshme që dy protagonistët të kenë arritur të njëjtin nivel autonomie dhe pavarësie nga familja dhe kështu të fillojnë të krijojnë një të tyren, nën kujdesin më të mirë.
Përgatiti K.M / Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
