Janë shkruar qindra e mijëra fjali për lumturinë dhe mirëqenien. Por asgjë nuk mbetet më reale dhe konkrete sesa fakti që dy lukset më të mëdha në jetë kanë të bëjnë me shëndetin dhe të kemi pranë nesh njerëzit që duam më shumë.
Jetojmë në një epokë plot gracka, një periudhë ku stilet e jetesës imponohen nga reklamat dhe moda. Kopertinat me shkëlqim, imazhet e modeleve të skalitura ftojnë përballje, pa marrë parasysh se dy lukset më të mëdha të jetës nisin nga vetëpranimi dhe pastërtia e ndjenjave.
Është padyshim e rëndësishme t’i kushtoni vëmendje dietës tuaj, të bëni ushtrime fizike. Por ndjekja e stereotipeve, dëshira për t’u dukur si modele të retushuara ndoshta me Photoshop nuk mund të jetë fundi i jetës. E para nga dy lukset e mëdha të jetës është shëndeti. Për të cilën duhet një angazhim i caktuar. Por kjo nuk do të thotë të bëhesh skllav i imazheve që me siguri tregojnë fizik të skalitur.
Obsesioni pas estetikës, frika nga përballja, fatkeqësisht janë shkaktarë të neurozave dhe në disa raste edhe tragjedive. Nuk mund ta krahasosh kënaqësinë e të ndierit mirë me veten, të ndihesh i shëndetshëm, qoftë edhe me disa kile më tepër, me modele që duken sa perfekte aq edhe të panatyrshme. Sepse dashuria, marrëdhënia e vërtetë, e cila përfaqëson luksin tjetër të madh të jetës, nuk përfshin përmasat e një fustani apo përsosmërinë e një trupi ndoshta të retushuar. Ajo ushqehet me pasion, por është e lidhur me ndjenja.
Të qenit rehat me ata që duam nuk është një garë e pakuptimtë për të dëshiruar të dukeni më të rinj apo të përsosur. Të jesh rehat me ata që duam do të thotë mbi të gjitha të ndash jetën. Jetën e përditshme, të përbërë nga hapa të vegjël, nga përpjekje të përbashkëta, ndonjëherë nga sakrifica.
Një person që e pranon veten, i përgjigjet me të njëjtën disponueshmëri atyre që do. Një person i dashur është i aftë të shohë bukurinë përtej një trupi të përsosur, pa rrudha. Kjo është arsyeja pse dy lukset më të mëdha në jetë kanë të bëjnë me shëndetin dhe të qenit rehat me partnerin.
Burimi / https://giornodopogiorno.org/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
