Teksa shtatzënisë së Meghan Markle po i vjen fundi, të gjithë po mendojnë se si do ta quajë ajo dhe Princi Harry vajzën që do të vijë në jetë.
Pas vdekjes së Princit Philip muajin e kaluar, faqja e lojërave të fatit në Mbretërinë e Bashkuar “Ladbrokes”, ka parashikuar se Philippa është emri me të cilin Duka dhe Dukesha e Sussex do të quajnë vajzën e tyre, shkruan “People”.
Edhe kushërirat e Princit Harry, Princesha Eugenie dhe Zara Tindall, nderuan të ndjerin duke i vënë djemve të tyre emrin e mesëm Philip.
Pas emrit Philippa, vijnë edhe dy emra të tjerë si më të votuarit: Diana, sipas nënës së ndjerë të Princit Harri, Princeshës Diana, dhe Elizabeth, sipas emrit të gjyshes së Harry-t, pra Mbretëreshës.
Çifti dha lajmin e bukur se do të bëhen prindër për herë të dytë në Ditën e Shën Valentinit, duke publikuar një foto bardh e zi në të cilën dukej barku i rrumbullakosur i Meghan.
Burimi / Panorama Plus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
