Ndonjëherë njerëzit janë në humor të keq dhe ndodh që romanca me partnerin të zbehet. Dr.John Gottman, profesor i psikologjisë në Universitetin e Uashingtonit dhe autor i librit “Seven principles for a successful marriage”, ka thënë që çiftet duhet patjetër të përkëdhelen dhe të puthen mjaftueshëm në mënyrë që në martesë të mbajnë gjallë romancën.
Teoria e tij është që puthja prej gjashtë sekondash ndikon si “oazë e përkohshme” gjatë një dite të ngarkuar dhe mund të çojë në mbajtjen e një marrëdhënieje të shëndetshme/afatgjatë mes një çifti të dashuruar. Ai tha:
Mos dilni nga shtëpia pa një puthje e cila zgjat gjashtë sekonda dhe në pjesën tjetër të ditës, përshëndeteni bashkëshortin me puthje prej gjashtë sekondash në mënyrë që t’i tregoni atij se sa shumë e dashuroni.
Në fakt, puthja e mirë ul kortizolin (hormoni i stresit) dhe rrit oksitocinën (hormonin e lidhjes) si dhe dopaminën (hormoni i lumturisë). Antropologia Helen Fisher pohon gjithashtu se puthja çon në forcimin e dëshirave seksuale, të cilat nuk mund të konsiderohen kurrë një gjë e keqe.
Sipas Dr. Gottman, nëse putheni për 6 sekonda kjo ju ndihmon të ruani lidhjen, mund të ndikojë në ndjenjat e dashurisë dhe admirimit si dhe inkurajon njerëzit në një marrëdhënie që të vlerësojnë më shumë njëri-tjetrin.
Rikujtojmë, se sipas një studimi, martesat e dyta janë më të sukseshme dhe me më shumë dshuri se ato të parat. Çiftet në martesën e dytë janë më të lumtur dhe me më pak rrezik për t’u ndarë, thuhet në një raport britanik. Sipas Fondacionit të Martesave, 45% e martesave të para janë të destinuara për të përfunduar në dyert e gjykatave të divorcit. Por vetëm 31% e martesave të dyta dështojnë. Ndërkaq, burrat që martohen për herë të dytë kanë më shumë mundësi të gjejnë lumturinë.
Burimi/TopAlbaniaRadio
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
