Pavarësisht nëse jeni një nga ata njerëz që e duan shiun apo jo, nuk ka dyshim se zhurma e pikave që bien tenton t’ju japë një ndjenjë qetësie dhe paqeje. Por pse po ndodh kjo?
Sipas Marian Rizkallah, muzikoterapist dhe drejtor i North London Music Therapy, përgjigja ka të bëjë shumë me vetitë ritmike të shiut. E vërteta është, pavarësisht origjinës së tij natyrore, tingulli i shiut është mjaft i qëndrueshëm dhe i parashikueshëm – dhe kjo është ajo që e bën atë kaq qetësues.
“Ashtu si muzika ndikon si në pjesët autonome ashtu edhe në limbike të sistemit tonë nervor (të cilat kujdesen respektivisht për rrahjet e zemrës dhe emocionet tona), kështu tingulli i qëndrueshëm dhe i parashikueshëm i shiut mund të ndihmojë në rregullimin e përgjigjeve të sistemit tonë nervor”, shpjegon Rizkalah.
“Truri ynë mësohet shpejt me ritmin e shiut,” shton ai. “Tingulli nuk është shumë i lartë ose vjen me surpriza të mëdha dëgjimore, gjë që e bën atë shumë miqësor ndaj trurit.”
Katerina Georgiou, një psikoterapiste, beson gjithashtu se mënyra se si reshjet i tërheqin shqisat tona mund ta bëjnë atë një përvojë qetësuese dhe lehtësuese të stresit.
“Gjëja kryesore është se zhurma e pikave të shiut prek shqisat tona. Kur ndihemi të shqetësuar për jetën apo edhe në panik, mund të ndihemi të bllokuar në mendjen dhe kokën tonë. Tashmë dihet gjerësisht se teknikat që na lidhin me shqisat tona mund të na nxjerrin nga ky lak i mendjes sonë dhe të na rikthejnë në kontakt me trupin tonë”.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
